ដំណឹងថ្មីៗ
ព័ត៌មានថ្មីៗ

សម្ដេចហ៊ុន សែន៖ កម្ពុជារីកចម្រើន នៃលទ្ឋិប្រជាធិបតេយ្យ ពិតប្រាកដ

ដោយ សៀមរាបប៉ុស្ដិ៍ ថ្ងៃទី 16 ខែ ឧសភា ឆ្នាំ​ 2018 ម៉ោង 11:12 ព្រឹក អ្នកអាន 788

 សុខសប្បាយជាទេបងប្អូនកូនក្មួយទូទាំងប្រទេស?
ថ្ងៃបោះឆ្នោតជ្រើសតាំងតំណាងរាស្រ្តគឺកាន់តែខិតជិតមកដល់ហើយ គឺនៅតែជាង២ខែទៀតប៉ុណ្ណោះ!
មកទល់ថ្ងៃទី ១៦ឧសភានេះ គឺមានគណបក្សនយោបាយ៥ ដូចជា ១)គណបក្សប្រជាជនកម្ពុជា, ២)គណបក្សយុវជនកម្ពុជា, ៣)គណបក្សសញ្ជាតិកម្ពុជា, ៤)គណបក្សខ្មែររួបរួមជាតិ, និង ៥)គណបក្សហ្វ៊ុនស៊ិនប៉ិច ដែលបានបំពេញបែបបទត្រឹមត្រូវចុះបញ្ជី និងបានទទួលស្គាល់ជាផ្លូវការពី គ.ជ.ប ក្នុងការចូលរួមប្រកួតប្រជែងការបោះឆ្នោតជ្រើសតាំងតំណាងរាស្រ្តនៅថ្ងៃទី ២៩ កក្កដា ឆ្នាំ ២០១៨។
នៅថ្ងៃទី ១៦ ឧសភា នេះ គឺ គ.ជ.ប និងពិនិត្យសម្រេចទទួលស្គាល់គណបក្សនយោបាយមួយចំនួនថែមទៀតដែលបានបំពេញបែបបទត្រឹមត្រូវរួចរាល់ហើយ។ យោងតាមចំនួនគណបក្សនយោបាយដែលបានដាក់ពាក្យចុះបញ្ជីចូលរួមប្រកួតប្រជែងការបោះឆ្នោតខាងមុខនេះរួចហើយ គឺមានគណបក្សនយោបាយចំនួន ២០ ដែល គ.ជ.ប កំពុងពិនិត្យបែបទថាតើបានបំពេញត្រឹមត្រូវរួចរាល់ហើយឬនៅមានខ្វះខាតអ្វី។
ទន្ទឹមនឹងនេះដែរ បើយើងប្រៀបធៀបភាគរយនៃការចូលរួមបោះឆ្នោតពីសំណាក់ប្រជាពលរដ្ឋរវាងប្រទេសកម្ពុជា និងសហគមន៍អ៊ឺរ៉ុប និងសហរដ្ឋអាមេរិក គឺអ៊ឺរ៉ុបមានប្រជាពលរដ្ឋទៅបោះឆ្នោតក្នុងរង្វង់ ៣០% ក៏អាចទទួលយកបាន រីឯសហរដ្ឋអាមេរិកគឺមានពលរដ្ឋទៅបោះឆ្នោតតែក្នុងរង្វង់៤០%ប៉ុណ្ណោះ។ ប៉ុន្តែចំពោះកម្ពុជា គឺមានពលរដ្ឋជាង៦៩%ទៅបោះឆ្នោត។ នេះគឺបង្ហាញច្បាស់អំពីការរីកចម្រើននៃលទ្ឋិប្រជាធិបតេយ្យពិតប្រាកដនៅក្នុងប្រទេសយើងមិនដូចការបកស្រាយដោយជនអគតិមួយចំនួនឡើយ។ ច្បាស់ណាស់ គឺគ្មានមេដឹកនាំណាមួយណែនាំពលរដ្ឋខ្លួនមិនអោយទៅបោះឆ្នោតទេ មានតែជនអគតិដែលមានបំណងបំផ្លិចបំផ្លាញលទ្ឋិប្រជាធិបតេយ្យ និងឆន្ទៈប្រជាពលរដ្ឋទេ ទើបពួកគេអាចធ្វើដូច្នេះ។
សូមបងប្អូនជនរួមជាតិ និងកូនក្មួយយុវជនទៅបោះឆ្នោតនៅក្នុងថ្ងៃបោះ ឆ្នោត ទី ២៩ ខែ កក្កដា ឆ្នំ ២០១៨ ខាងមុខទាំងអស់គ្នា។
អរគុណបងប្អូន និងកូនក្មួយដែលមានជំនឿជឿជាក់លើការដឹកនាំរបស់ខ្ញុំ ហើយបន្តបោះឆ្នោតអោយ គណបក្សប្រជាជន ដើម្បីខ្ញុំមានឱកាសដឹកនាំប្រទេសជាតិដែលធានាបាននូវសុខសន្តិភាព និងការអភិវឌ្ឍគង់វង្សយូរអង្វែង៕SR


ដំណឹងផ្សេងៗទៀត


ចំនួនអ្នកចូលទស្សនា

​​​​​ ថ្ងៃនេះ : 101,464 នាក់
ម្សិលមិញ : 192,205 នាក់
សរុប : 56,705,606 នាក់