ព័ត៌មានទាន់ហេតុការណ៍ :

នារី​ម្នាក់ជិះ​ម៉ូតូ​ មកលោតទឹកសម្លាប់ខ្លួន ពីលេីស្ពានកោះប៉ែន

មេគយច្រកទ្វារប៉ោយប៉ែត ប្រើអំណាចឲ្យកូនចៅ យកលុយពីរថយន្តដឹកទំនិញ យ៉ាងពេញពន្ទុក

សុន្ទរកថាសម្តេច ហ៊ុន សែន ថ្លែងនៅក្នុងមហាសន្និបាតនៃក្តីសង្ឃឹមក្រោមប្រធានបទ ៖ «ការកសាង និង បង្កើតជាតិយើង នៅក្នុងពិភពលោកក្រោយវិបត្តិកូវីដ-១៩ ការពឹងពាក់អាស្រ័យ គ្នាទៅវិញទៅមក វិបុលភាពទៅវិញទៅមក និងគុណតម្លៃសកល»

លោក ឆាយ គឹមខឿន ប្រាប់នគរបាលខេត្តសៀមរាប ឲ្យគ្រប់គ្រងបទល្មើសផ្សេងៗ អោយបាន

ចាប់ខ្លួនមនុស្ស៩នាក់ នៅខេត្តសៀមរាប ករណីឈូសឆាយរំលំដើមឈើ ដោយខុសច្បាប់

ឆ្នោតកន្ទុយលេខ កំពុងពេញនិយមខ្លាំង នៅស្រុកខ្សាច់កណ្តាល

អាជ្ញាធរខេត្តសៀមរាប បង្ហាញកម្មវិធីកម្សាន្តនៅថ្ងៃឈប់សម្រាកខាងមុខ

អភិបាលខេត្តកំពង់ធំ ដឹកនាំមន្ត្រីដាំកូនឈើប្រណិត ជាង២ពាន់ដើម នៅទួលបុរាណព្រៃគូ

ព្រះមហាក្សត្រ ត្រាស់បង្គាប់តែងតាំង លោកសេង ទៀង ជារដ្ឋលេខាធិការ នៃទីស្តីការគណ:រដ្ឋមន្ត្រី

អាជ្ញាធរក្រុងសៀមរាប ព្រមានមិនលើកលែង អ្នកកាប់ទន្ទ្រានព្រៃលិចទឹក

ថ្ងៃទី ៩ ខែ សីហា ឆ្នាំ ២០២០ ម៉ោង ២:៣៨ ល្ងាច

អភិបាលខេត្តកំពង់ចាម​ ចុះកំណត់ទីតាំងព្រំប្រទល់ តំបន់រមណីយ៍ដ្ឋានទឹកឆា

ខេត្តកំពង់ចាម៖លោក អ៊ុន ចាន់ដា អភិបាលខេត្តកំពង់ចាម នៅព្រឹកមិញ បាន​អញ្ជើញ​ចុះពិនិត្យតំបន់អភិរក្ស​
រមណីយ៍ដ្ឋាន​ក្បាល​ទឹក​(ទឹក​ឆា​)ស្ថិតក្នុងព្រំប្រទល់ឃុំក្រូច និង​ឃុំបឹងណាយ ស្រុកព្រៃឈរ និងឃុំសំព័រ ស្រុកចំការលើ ដើម្បីរៀបចំសណ្តាប់ធ្នាប់ កែលម្អសោភ័ណភាព និងកំណត់ទីតាំងព្រំប្រទល់ តំបន់រមណីយ៍ ដ្ឋានឲ្យបានច្បាស់ ព្រមទាំង​ចុះពិនិត្យការបង្ករបង្កើនផលដំណាំស្រូវ នៅឃុំបឹងណាយ ស្រុក​ព្រៃឈរ​ផងដែរ​។
លោក​​ អ៊ុន​ ចាន់ដា​ បាន​ធ្វើ​ការ​ណែនាំ​ដល់​អាជ្ញាធរ​ពាក់ព័ន្ធ​ ត្រូវ​បិទ​ការ​ឆ្លង​ចូល​តំបន់​ហាមឃាត់​ ដែល​ជា​ប្រភព​ទឹក​ផុស​ ព្រោះ​វា​អាច​នាំ​ឲ្យ​មាន​ការ​រាំងស្ទះ​ដល់​ចរន្ត​ទឹក​ផុស​ចេញ​ពី​ដី​ ហើយ​ក៏​អាច​ប៉ះពាល់​ដល់​ការ​បង្កបង្កេីន​ផល​លេី​ដំណាំ​របស់​ប្រជាពលរដ្ឋ នៅ​តំនៅតំបន់ខាងក្រោម។
គួរ​បញ្ជាក់​ថា រមណីយដ្ឋាន​ទឹក​ឆា​ មានទេសភាពស្អាត ដោយ​មានខ្សែទឹក ផុសព្រុចៗ ផុសចេញពីក្នុងដីថ្លាឈ្វេង ត្រជាក់ស្រេប ជម្រៅត្រឹមកំភួនជើង កំពុង ក្លាយជាទីឋានកម្សាន្ដពេញនិយមបំផុត មួយនៅក្នុងទឹកដីក្រហមនៃខេត្ដកំពង់ចាម ។ ក្បាលហុងទឹករមណីយដ្ឋាន ចុះបញ្ជីក្នុង ឆ្នាំ២០១១ គឺជាទឹកផុសត្រជាក់ ដែល ជ្រាបចេញពីប្រភពអាងស្ដុកទឹកថ្មដា ស្ថិតក្នុងឃុំបឹងណាយ ស្រុកព្រៃឈរ ចម្ងាយ ប្រមាណជាង៣០គីឡូម៉ែត្រ ពីក្រុងកំពង់ចាម ទទួលភ្ញៀវ រាប់រយនាក់រៀងរាល់ថ្ងៃ ដោយ
ចំនួនបានកើនឡើងរាប់ពាន់ក្នុងរដូវ បុណ្យទាន។
ជាមួយ​គ្នានោះ​ រដូវបុណ្យទាន មនុស្សមកលេងទីនេះ ពាសពេញគ្រប់ ទីកន្លែង។ ប៉ុន្ដែបើទោះបីជាភ្ញៀវទេសចរ មកកម្សាន្ដរមណីយដ្ឋាននេះយ៉ាងណាក្ដី ក៏ភាគច្រើនពួកគេគ្រាន់ តែងមកអង្គុយ ក្នុងក្យូស ទទួលទានអាហារថ្ងៃត្រង់ ខណៈ ភ្ញៀវមួយចំនួនត្រូវដើរទៅកាន់ប្រភពទឹកផុសព្រុចៗ ចេញពីក្នុងដីគួរឲ្យក្បង់ ស្រោចប្រាណ។ ចំពោះបញ្ហាភ្ញៀវឈូឆរទៅជ្រំ ប្រភពក្បាលទឹក មជ្ឈដ្ឋានមួយចំនួនបានចោទថា ទង្វើនេះ បង្កឲ្យផ្ទៃ ទឹកស្ងប់ អត់ហូរ និងល្អក់ កខ្វក់ នៅផ្នែកខាងក្រោម ដែលជះ ក្លិនអសោចដល់ភ្ញៀវទេសចរ៕SRP

Read Previous

លោកស ថេត ព្រមានចាត់វិធានការ អ្នកបង្ហោះព័ត៌មាន បំផ្លើសពីការពិត តាមបណ្តាញសង្គម

Read Next

លោកអ៊ុន ចាន់ដា ចុះ​ពិនិត្យ​ ការបង្កបង្កើនផល ស្រូវវស្សា របស់ប្រជាកសិករ