ព័ត៌មានទាន់ហេតុការណ៍ :

- អភិបាលខេត្តកោះកុង ផ្ដល់ថវិកា ចំនួន៣លានរៀល សម្រាប់អ្នកផ្ដល់អត្តសញ្ញាណ បុរសសម្លា..ប់សត្វឈ្លូស និងរក្សាសម្ងាត់ - អភិបាលខេត្ត​សៀមរាប កោតសរសើរដោយស្មោះ ចំពោះ មន្ទីរពទ្យកុមារអង្គរ ដែលតែងតែយកចិត្តទុកដាក់ ព្យាបាល និងថែទាំសុខភាពដល់កុមារ ប្រកបដោយគុណភាព​ និងមិនគិតកម្រៃ - ញៀនស្រា ព្រឹកឡើងប្ដីស្លា..ប់ជាប់នឹងរបងដីឡូត៍ - សម្តេចហ៊ុន សែន តែងតាំងអភិបាលរង រាជធានីភ្នំពេញ ចំនួន៣រូប - លោក យឹម ឆៃលី ប្រាប់សមាជិកបក្ស ឲ្យមានឆន្ទៈស្មោះត្រង់ និងដឹងសុខទុក្ខជីវភាព របស់ប្រជាពលរដ្ឋ - អភិបាលរងស្រុកស្នួល ម្នាក់ ជួបហេតុការគ្រោះថ្នាក់ចរាចរណ៍ បណ្ដាលឲ្យស្លា..ប់ - សម្ដេចហ៊ុន សែន និងភរិយា បន្ដផ្ដល់អំណោយ ជូនគ្រួសារសម្រាលបាន កូនភ្លោះបី នៅមន្ទីរពេទ្យកាលម៉ែត - លោកហ៊ុន ម៉ាណែត៖​ យុវជនជាកម្លាំងស្នូល ក្នុងការ​ផ្តួលរំលំរបបអាវខ្មៅប៉ុលពត - សៀវភៅអ្នកថែអង្គរ បានបើកសម្ពោធ នៅមុខប្រាសាទអង្គរវត្ត នាថ្ងៃនេះ - រដ្ឋមន្ត្រី កើត រិទ្ធ៖ ការផ្លាស់ប្តូរ ចៅក្រម ព្រះរាជអាជ្ញា គឺជារឿងធម្មតា ដើម្បីប្រសិទ្ធភាព យុត្តិធម៌ជូនពលរដ្ឋ ដោយមិនលម្អៀង
ថ្ងៃទី ១៥ ខែ មិថុនា ឆ្នាំ ២០២៤ ម៉ោង ៨:១៣ ល្ងាច

ឯកអគ្គរដ្ឋទូតសហរដ្ឋអាមេរិក ប្តេជ្ញាបន្តជួយគាំទ្រដល់ការអភិវឌ្ឍ ខេត្តសៀមរាប តាមរយៈវិស័យទេសចរណ៍

លោក Patrick Murphy ឯកអគ្គរដ្ឋទូតសហរដ្ឋអាមេរិក ប្រចាំព្រះរាជាណាចក្រកម្ពុជា បានថ្លែងអំណរគុណចំពោះ លោក ប្រាក់ សោភ័ណ​ អភិបាលខេត្តស្តីទី និងប្តេជ្ញា បន្តជួយគាំទ្រដល់ការអភិវឌ្ឍ ខេត្តសៀមរាប តាមរយៈវិស័យទេសចរណ៍ ជាពិសេសគឺបន្តពង្រឹងកិច្ចសហប្រតិបត្តិការនាៗ ឱ្យកាន់តែប្រសើរឡើងថែមទៀត។

ការប្ដេជ្ញានៅថ្ងៃអង្គារនេះ ក្នុងឱកាស ដែលបានអញ្ជើញមកបំពេញបេសកកម្ម ក្នុងខេត្តសៀមរាប។

លោកប្រាក់ សោភ័ណ​ បានសម្តែងនូវកិច្ចស្វាគមន៍យ៉ាងកក់ក្តៅ​ និងអបអរសាទរ ចំពោះវត្តមាន​ លោក Patrick Murphy ឯកអគ្គរដ្ឋទូតសហរដ្ឋអាមេរិកប្រចាំព្រះរាជាណាចក្រកម្ពុជា ដែលបានអញ្ជើញមកបំពេញបេសកកម្ម ក្នុងខេត្តសៀមរាប ដោយមានការអញ្ជេីញ ចូលរួមពីលោក​ នាយករដ្ឋបាលសាលាខេត្ត​ លោក​ នាយកទីចាត់ការទំនាក់ទំនងសាធារណៈ​ និងសហប្រតិបត្តិការអន្តរជាតិ​ លោក​ នាយកទីចាត់ការផែនការ​ និងវិនិយោគខេត្ត​ ព្រមទាំងអ្នកពាក់ព័ន្ធនាៗផងដែរ។

លោកប្រាក់ សោភ័ណ​ បានថ្លែងអំណរគុណចំពោះរដ្ឋាភិបាល​ ក៏ដូចប្រជាជនអាមេរិក ដែលបាន និងបន្តផ្តល់ជំនួយអភិវឌ្ឍន៍ ដល់ប្រទេសចកម្ពុជា ក៏ដូចជាខេត្តសៀមរាប ផ្ទាល់លើវិស័យមួយចំនួនដូចជា​ វិស័យសេដ្ឋកិច្ច អប់រំ​ វប្បធម៌ និងការជួសជុល ប្រាង្គប្រាសាទនានា ក្នុងតំបន់រមណីយដ្ឋានអង្គរ ។ល។

នៅក្នុងជំនួប អភិបាលខេត្តស្តីទី​ បានបញ្ជាក់អំពីផលប៉ះពាល់ នានា ដោយសារ Covid-19 ហេីយខេត្តក៏មានផែនការស្តារ និងអភិវឌ្ឍ ខេត្តសៀមរាប ដូចជាការកសាងហេដ្ឋារចនាសម្ព័ន្ធ រូបវ័ន្ត​ ការសាងសង់ផ្លូវ ៣៨ខ្សែ ក្នុងក្រុងសៀមរាប ការកសាងអាកាសយានដ្ឋាថ្មី ផែនការអភិវឌ្ឍ វិស័យកសិកម្ម និងទេសចរណ៍ជាដើម៕ដោយនាគខៀវ

Read Previous

ចោរឆក់កាបូប នៅក្រុងសៀមរាប ម្សិលមិញ ត្រូវបានចាប់ខ្លួនដោយពលរដ្ឋ

Read Next

ឃាត់ខ្លួនអ្នកសារព័ត៌មានចំនួន៣នាក់ នៅខេត្តឧត្តរមានជ័យ ពាក់ព័ន្ធករណី កំហែងយក