រថយន្តលុចស៊ិសបុកម៉ូតូ បណ្ដាលឲ្យស្លាប់ម្នាក់របួសម្នាក់

ខេត្តកំពង់ឆ្នាំង៖រថយន្តលុចស៊ិសបានបុកម៉ូតូបណ្ដាលឲ្យស្លាប់មនុស្សម្នាក់និងរបួសម្នាក់។

ហេតុការណ៍បានកើតឡើង នៅរសៀលថ្ងៃទី២ ខែកញ្ញា ឆ្នាំ២០២៣ នៅលេីកំណាត់ផ្លូវជាតិលេខ៥ ស្ថិតក្នុងភូមិក្បាលដំរី ឃុំត្រពាំងចាន់ ស្រុកបរិបូណ៍ ខេត្តកំពង់ឆ្នាំង។

សមត្ថកិច្ចបានប្រាប់ថា ករណីគ្រោះថ្នាក់ចរាចរណ៍ នេះ បង្កដោយរថយន្តម៉ាកលុចស៊ិស RX300 ពណ៌ខ្មៅ ពាក់ស្លាកលេខ ភ្នំពេញ2AE-5443 អ្នកបើកបរមិនស្គាល់អត្តសញ្ញាណ (រត់គេចខ្លួនបាត់) បេីកបរពីលិចទៅកើត ក៏បុកម៉ូតូ១គ្រឿង ជិះឌុបគ្នាពីរនាក់ ម៉ាកគុប90 ពណ៌បៃតង ពាក់ស្លាកលេខ កំពង់ឆ្នាំង 1B-1008 អ្នកបើកបរឈ្មោះ ស្រ៊ុន ភេទប្រុស អាយុ៤១ឆ្នាំ រស់នៅភូមិ ឃុំកើតហេតុខាងលើ (ក្នុងដំណើរខ្វែងទិសគ្នា) បណ្តាលអោយស្លាប់ និងរងរបួសមនុស្សធ្ងន់។

បើតាមសមត្ថកិច្ចហេតុការណ៍នេះ មូលហេតុ បណ្ដាលមកពីបើកបរក្នុងល្បឿនលឿនខ្វះការប្រុងប្រយ័ត្ន៕ដោយនាគខៀវ