ខេត្តសៀមរាប៖យ៉ាងហោចណាស់មនុស្សចំនួន ៥នាក់បានរងរបួសនិងម្នាក់ទៀតបានស្លាប់បាត់បង់ជីវិតដោយគ្រោះថ្នាក់ចរាចរណ៍។
ហេតុការណ៍បានកើតឡើងម៉ោង៤និង១០ ថ្ងៃទី១៨ ខែកញ្ញា ឆ្នាំ២០២៣ នៅលើផ្លូវជាតិលេខ៦ ស្ថិតនៅភូមិដំដែកថ្មី ឃុំដំដែក ស្រុកសូទ្រនិគម ខេត្តសៀមរាប។
សមត្ថកិច្ចស្រុកសូទ្រនិគម បានប្រាន់ថាគ្រោះថ្នាក់ចរាចរណ៍នេះ បង្កឡើងរវាងរថយន្ត និងរថយន្ត បណ្ដាញឲ្យរងរបួសមនុស្ស ចំនួន០៦នាក់ ស្លាប់១នាក់ របួសធ្ងន់២នាក់ និងរបួសស្រាល០៣នាក់។
សមត្ថកិច្ចបន្តថារថយន្ត១គ្រឿង ម៉ាកស្តារិច ពណ៌ទឹកប្រាក់ ពាក់ផ្លាកលេខ សៀមរាប 2B-9811 បើកបរដោយឈ្មោះ អិប បូរាណ ភេទប្រុសអាយុ៣៤ឆ្នាំ រស់នៅភូមិវត្តដំណាក់សង្កាត់សាលាកំរើក ក្រុងសៀមរាប ខេត្តសៀមរាប។
-ដឹកអ្នករួមដំណើរ
១.ឈ្មោះហាវ សក្កដាពេជ្រ អាយុ២០ភេទប្រុសឆ្នាំនៅភូមិទួលពង្រ។
២.ឈ្មោះសុខ អាន អាយុ២៣ឆ្នាំ ភេទប្រុសនៅភូមិជម្ពូវ័ន្ត។
៣.ឈ្មោះអ៊ុំ សុខតុង អាយុ២០ឆ្នាំភេទប្រុសនៅភូមិចោមចៅ២។
៤.ឈ្មោះសំបុល វាសនា អាយុ២៣ឆ្នាំភេទប្រុសនៅភូមិចោមចៅ២។
៥.ឈ្មោះហៅ វង្សសែ អាយុ២០ឆ្នាំភេទប្រុសនៅភូមិចោមចៅ៣។
៦.ឈ្មោះជួង ម៉េងហួង អាយុ២០ឆ្នាំនៅភូមិព្រៃព្រីងត្បូង (ស្លាប់) អ្នកទាំង៦នាក់ នៅសង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
សមត្ថកិច្ចបានបន្តទៀតថាម៉ាកស្តារិច បើកបរក្នុងទិសដៅពីលិច ទៅកើត បានបុក រថយន្តម៉ាកហុីយ៉ាន់ដាយ ពណ៌ស លាយបៃតង ពាក់ផ្លាកលេខកំពង់ចាម.3A- 3844 សណ្តោងរ៉ឺម៉កពណ៌ សពាក់ផ្លាកលេខ.3A-3844 បើកបរដោយជនមិនស្គាល់អត្តសញ្ញាណ បើកបរក្នុងទិសដៅពីទៅលិច ទៅកើត (ទិសស្របគ្នា) ចំពីក្រោយ។
បើតាមសមត្ថកិច្ចហេតុការណ៍នេះខូចខាត រថយន្ត២គ្រឿងផងដែរ។ មូលហេតុគ្រោះថ្នាក់ចរាចរ រថយន្តស្តារិច បើកបរក្នុងល្បឿនលឿន ឯរថយន្តម៉ាកហុីយ៉ាន់ដាយ គ្មានភ្លើងបំភ្លីផ្នែកខាងក្រោយ។វត្ថុតាង ត្រូវបានកម្លាំងសមត្ថកិច្ចយកទៅរក្សាទុកដើម្បីបន្តនីតិវិធី៕
