ខេត្តសៀមរាប៖សមត្ថកិច្ចស្រុកស្រីស្នំបានរាយការណ៍ថា បុរសម្នាក់បានរងរបួសធ្ងន់ ខណៈបើកម៉ូតូត្រូវបានរថយន្តបុកពីក្រោយ។
ហេតុការណ៍បានកើតឡើង វេលាម៉ោង១០ និង៣០នាទី ថ្ងៃទី១៩ ខែកញ្ញា ឆ្នាំ២០២៣ នៅលើកំណាត់ផ្លូវជាតិលេខ៦៨ ចន្លោះបង្គោលគីឡូម៉ែត្រលេខ (24-25) មុខប៉ុស្តិ៍នគរបាល
រដ្ឋបាលមោង ស្ថិតនៅភូមិមោងខាងជើងឃុំមោង ស្រុកស្រីស្នំ ខេត្តសៀមរាប។
សមត្ថកិច្ចបានបន្តថា គ្រោះថ្នាក់ចរាចរណ៍នេះបង្កឡើងដោយរថយន្ត និងម៉ូតូ បើកបរស្របទិសពីត្បូងទៅជើង។ ដោយរថយន្តម៉ាកHYUNDAI MIGHTY ពណ៌ខៀវ ប្រភេទរថយន្តធុនធំផលិតឆ្នាំ១៩៩៣ ពាក់ស្លាកលេខ ភ្នំពេញ 3ក-5651 បើកបរដោយឈ្មោះ រី ឆ័ត្រថង ភេទប្រុសអាយុ៥៥ឆ្នាំមុខរបរបើកបររថយន្ត អាសយដ្ឋានភូមិសូភី សង្កាត់កំពង់ស្វាយ ក្រុងសេរីសោភ័ណ ខេត្តបន្ទាយមានជ័យ។ (គ្មានរបួស)។ ចំណែកម៉ូតូម៉ាកហុងដា ពណ៌ខ្មៅ ផលិត ឆ្នាំ២០១១ ពាក់ស្លាកលេខ សៀមរាប1K-5415បើកបរដោយឈ្មោះ រុំ ធឿន ភេទប្រុស អាយុ៥៦ឆ្នាំ មុខរបរ កសិករ ទីលំនៅបច្ចុប្បន្ន ភូមិមោងខាងជើង ឃុំមោង ស្រុកស្រីស្នំ ខេត្តសៀមរាប (របួសធ្ងន់ បាក់ឆ្អឹងកូនជើងផ្នែកខាងឆ្វេង បញ្ជូនទៅមន្ទីរពេទ្យបង្អែកខេត្តសៀមរាប)។
សមត្ថកិច្ចបានបន្តគេថា ករណីនេះបណាលឲ្យ-របួសធ្ងន់អ្នកបើកបរម៉ូតូម្នាក់ ខូចរថយន្ត១គ្រឿងស្រាលនិងម៉ូតូ១គ្រឿងស្រាល។ មូលហេតុ: អ្នកបើកបរម៉ូតូបត់ឆ្វេងខ្វះការប្រុងប្រយ័ត្ន។ ក្រោយកើតហេតុ នគរបាលចរាចរណ៍បានធ្វើការវាស់វែងយករថយន្តនិងម៉ូតូ មករក្សាទុកនៅប៉ុស្តិ៍
នគរបាលរដ្ឋបាលមោង៕
