ខេត្តកំពង់ធំ៖លោក អែម សំអ៊ុន ប្រធានការិយាល័យបរិស្ថានស្រុកស្ទោងស្រវឹងស្រាបើករថយន្តបុកអ្នកលក់ផ្លែស្រកានាគស្លាប់យ៉ាងអាណោចអាធម្ម។
ហេតុការណ៍បានកើតឡើងកាលពីវេលាម៉ោង២និង២០ នាទីថ្ងៃទី ២៩ ខែមករា ឆ្នាំ ២០២៤នៅចំណុចភូមិរលួស ឃុំបន្ទាយស្ទោង ស្រុកស្ទោង ខេត្តកំពង់ធំ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា ករណីគ្រោះថ្នាក់ចរាចរណ៍នេះបង្កឡើងដោយរថយន្ត ម៉ាក Highlander មួយគ្រឿងពាក់ផ្លាកលេខ ភ្នំពេញ 2BA- 3682 បើកបរដោយលោក អែម សំអ៊ុន ប្រធានការិយាល័យបរិស្ថាន ស្រុកស្ទោង ចំណុះឲ្យការិយាល័យកសិកម្ម ស្រុកស្រុកស្ទោង បើកបរក្នុងស្ថានភាព ស្រវឹងជោគជាំ ដោយបានបើករថយន្តបុក រ៉ឺម៉កអ្នកលក់ផ្លែស្រកានាគពីក្រោយបណ្ដាល ឱ្យស្លាប់មនុស្ស រួចហើយជ្រុលទៅបុកតូបលក់ដូរគេបន្ថែមទៀតបណ្ដាលឲ្យខូចខាតរថយន្តយ៉ាងដំណំ។
ពាក់ព័ន្ធនឹងករណីគ្រោះថ្នាក់ចរាចរណ៍នេះអង្គភាពសារព័ត៌មាន សៀមរាប ប៉ុស្ដិ៍ នៅមិនទាន់បានសុំការបំភ្លឺ ពីលោកអធិការស្រុកស្ទោង នៅឡើយ រហូតមកដល់ម៉ោងផ្សាយនេះ៕
