មន្រ្តីជំនាញបានរកឃើញ ដៃបាញ់ប្រេង ចំនួន ៦ដៃ ពុំមានអនុលោមភាពផ្នែកបរិមាណ នោះទេ ពោលគឺលម្អៀង ក្នុងកម្រិត២,២លីត្រ_២,៨លីត្រ។
មន្ត្រីជំនាញបានឲ្យដឹងថា បន្ទាប់ពីសុំគោលការណ៍ពីលោក ព្រះរាជអាជ្ញារង ដែលទទួលសម្របសម្រួលផ្នែកប្រេងឥន្ធនៈ លោកបានសម្រេចអោយ មន្រ្តីអនុវត្តច្បាប់ធ្វើការពិន័យអន្តរការណ៍ លើម្ចាស់ដេប៉ូខាងលើ រួមជាមួយកិច្ចសន្យាកែតម្រូវ និងកែប្រែដៃបាញ់ប្រេងឥន្ធនៈដែលខុសឱ្យបានត្រឺមត្រូវវិញ។
មន្ត្រីជំនាញបានបន្តថា ការរកឃើញនេះ នៅរសៀលថ្ងៃទី៦ ខែមីនា ឆ្នាំ២០២៤ ដោយមន្រ្តីស៊ើបអង្កេត និងជានគរបាលយុត្តិធម៌ នៃសាខា ក.ប.ប. ខេត្តបាត់ដំបង ដែលទទួលអាណត្តិដោយច្បាប់ស្តីពីកិច្ចការពារអ្នកប្រើប្រាស់ ក្នុងការការពារផលប្រយោជន៍ ជូនប្រជាពលរដ្ឋ ជាអ្នកប្រើប្រាស់ បានចុះត្រួតពិនិត្យដៃបាញ់ប្រេងឥន្ធនៈនៅដេប៉ូប្រេងឥន្ធនៈមួយទីតាំងស្ថិតនៅភូមិរំចេក៤ សង្កាត់រតនៈ ក្រុងបាត់ដំបង ខេត្តបាត់ដំបង៕
