ល្បែងស៊ីសង តាមអនឡាញ កើតមានពេញបន្ទុក នៅក្រុងកំពង់ឆ្នាំង

ខេត្តកំពង់ឆ្នាំង៖ល្បែងស៊ីសងប្រភេទអនឡាញ បានកំពុងកើតមានយ៉ាងពេញបន្ទុកនៅក្រុងកំពង់ឆ្នាំងខណៈសមត្ថកិច្ចរក្សាភាពស្ងប់ស្ងាត់។

សេចក្ដីរាយការណ៍បានឲ្យដឹងថា នៅភូមិទី៧សង្កាត់ខ្សាម ក្រុងកំពង់ឆ្នាំង មានល្បែងជល់មាន់តាមអនឡាញ មិនទាន់ត្រូវបានអាជ្ញាធរសមត្ថកិច្ចធ្វើការទប់ស្កាត់បង្ក្រាបនៅឡើយ បើទោះបីជាប្រមុខរដ្ឋាភិបាលដាក់បទបញ្ជាឲ្យទប់ស្កាត់យ៉ាងណាក៏ដោយ។

ជុំវិញល្បែងស៊ីសងនេះ លោក អៀរ ប៊ុនធឿន ស្នងការរងនិងជាអ្នកនាំពាក្យស្នងការខេត្តកំពង់ឆ្នាំង បានបញ្ជាក់យ៉ាងខ្លី តាមប្រព័ន្ធតេឡេក្រាមថា ល្បែងស៊ីសងនេះ គឺមិនមានច្បាប់អនុញ្ញាតិនោះទេ៕SRP