ព័ត៌មានទាន់ហេតុការណ៍ :

ចលនាយុវជន(ក្រុម១៥៧) សាខាខេត្តសៀមរាប ចែកអំណោយដល់ពលរដ្ឋ ជាង២០គ្រួសារ

បទល្មើសព្រៃឈើ នៅខេត្តមណ្ឌលគិរី បន្តកើតមានយ៉ាងពេញបន្ទុក

សមត្ថកិច្ចកម្ពុជា ចាប់ចិន២នាក់ និងគ្រឿងញៀនជាង៧០គីឡូក្រាម

វ៉ាក់សាំង ស៊ីណូវ៉ាក់ ចំនួន៥០ម៉ឺនដូស បានដឹកមកដល់កម្ពុជាហើយ

អំណោយកាកបាទក្រហម​ ត្រូវបានជូនពលរដ្ឋ រងគ្រោះដោយខ្យល់កន្ត្រាក់ ១៦៥គ្រួសារ​ នៅស្រុកមេមត់

ក្រសួងកសិកម្មអះអាងថា ក្នុងរយៈពេលប្រមាណជា៥ឆ្នាំកន្លងមកនេះ ពុំដែល បានរៀបចំបំពេញបែបបទ នាំចេញប្រភេទឈើរងការគំរាមកំហែង ជូនដល់ក្រុមហ៊ុនណាមួយ សម្រាប់ធ្វើការនាំចេញ ទៅក្រៅប្រទេស ឬហុងកុងនោះទេ

ចលនាយុវជន «ក្រុម១៥៧» ចុះចែកអំណោយនិងសម្ភារ ចំនួន៣គោលដៅ នៅក្នុងខេត្តសៀមរាប

វ៉ាក់សាំងស៊ីណូវ៉ាក់ ៥០ម៉ឺនដូសទៀត នឹងដឹកមកដល់កម្ពុជា នៅស្អែកនេះ

ការឈូសឆាយ ដីព្រៃជាច្រើនហិកតា នៅស្រុកស្វាយលើ សង្ស័យមានការឃុបឃិតគ្នាជាប្រព័ន្ធ

សម្ដេច ស ខេង ផ្ញើសារលិខិតជូនពរ ក្នុងទិវារម្លឹកខួបថ្ងៃកំណើត នគរបាលជាតិ

ថ្ងៃទី ១៧ ខែ ឧសភា ឆ្នាំ ២០២១ ម៉ោង ៤:០៥ ព្រឹក

មេគយច្រកទ្វារប៉ោយប៉ែត ប្រើអំណាចឲ្យកូនចៅ យកលុយពីរថយន្តដឹកទំនិញ យ៉ាងពេញពន្ទុក

ខេត្តបន្ទាយមានជ័យ៖មានការលើកឡើងថា លោក ងួន កុសល ប្រធានការិយាល័យគយនិងរដ្ឋាករ ច្រកទ្វារអន្តរជាតិប៉ោយប៉ែត បានប្រើអំណាចចាត់តាំងឲ្យមន្ត្រីរបស់ខ្លួនយកលុយ
ពីរថយន្តដឹកទំនិញចេញចូល តាមច្រកប៉ោយប៉ែត យ៉ាងពេញបន្ទុកដោយក្នុងមួយរថយន្តចាប់ពី១លានរៀលទៅ២លានរៀល តាមប្រភេទរថយន្តតូចឬធំ។

បើយោងតាមប្រភពពីក្រុមឈ្មួញរកស៊ីដឹកទំនិញតាមច្រកទ្វារអន្តរជាតិប៉ោយប៉ែត បានប្រាប់សារព័ត៌មានថា លោក ងួន កុសល មេគយ ច្រកទ្វារអន្តរជាតិប៉ោយប៉ែត បានឲ្យកូនចៅយកលុយពីរថយន្តដឹក ខោអាវ
គីបថ្មីៗក្នុងមួយរថយន្ត២លានរៀល ដោយមិនមានចេញវិក្កយបត្រអ្វីទាំងអស់។ប្រសិនបើអាជីវករណាមិនបង់លុយតាមការកំណត់របស់មន្ត្រីគយរបស់ លោកងួន កុសល ទេនោះមន្ត្រីគយទាំងនោះមិនឲ្យរថយន្តដឹកទំនិញចេញចូលឡើយ ហើយអាចប្រឈមនិងបង្ក្រាបយកស្នាដៃផងដែរ។
ប្រភពបានឲ្យដឹងទៀតថាអាជីវករដឹកទំនិញចេញចូលកម្ពុជា,ថៃ ហាក់មិនសប្បាយចិត្តចំពោះគយនៅច្រកទ្វារប៉ោយប៉ែត ដែលអង្គុយចាំតែរាប់ក្បាលរថយន្តយកលុយដោយមិនកោតខ្លាចញញើតទៅនឹងអង្គភាពប្រឆាំងអំពើពុករលួយនោះឡើយ។
យោងតាមប្រភពពីអាជីវករ ដឹកទំនិញចេញចូល កម្ពុជា.ថៃ បានបង្ហើបថា
សព្វថ្ងៃនៅច្រកទ្វារអន្តរជាតិប៉ោយប៉ែត រថយន្តដែលដឹកត្រីចេញចូល កម្ពុជា ថៃ គឺ មន្ត្រីគយប្រចាំការនៅទីនោះ កូនចៅរបស់លោក ងួន កុសល តម្រូវអោយក្រុមឈ្មួញដឹក ត្រី ខោអាវគីប បង់លុយក្នុងក្បាលឡានមួយ១ម៉ឺនបាតលុយថៃ។
ចំណែករថយន្តដឹកខោអាវគីបវិញ តម្រូវអោយបង់លុយ ៥០០ដុល្លារឬ២លានរៀលក្នុងក្បាលឡាន។
ប្រភពបន្តទៀតថា សូម្បីតែទំនិញទាំងនោះតិចតួច មិនពេញរថយន្តក៏ដោយ មន្ត្រីគយខាងលើមិនបន្ធូរបន្ថយក្នុងការបង់នោះដែរ។
ប្រភពបានបន្តទៀតថា ក្រៅពីរថយន្តដឹកទំនិញខាងលើក៏មានប្រភេទរថយន្តដឹកបន្លែផ្លែឈើបគ្រឿងសំណង់គ្រឿងអេឡិចត្រូនិច គ្រឿងបរិភោគ គ្រឿងបន្លាស់ម៉ូតូ រថយន្ត រថយន្តដឹកស៊ីម៉ង់និងដឹកដែក ដឹកសំបកកង់ម៉ូតូរថយន្ត អាចសុទ្ធតែជាប្រភពចំណូលរបស់ លោក
ងួន កុសល ទៀតផង។
ករណីបែបនេះអាចជាហេតុបណ្ដាលឲ្យខាតបង់ថវិកាចូលជាតិយ៉ាងច្រើនសន្ធឹកសន្ធាប់ក្នុងមួយខែៗ ដូច្នេះអគ្គនាយកដ្ឋានគយនិងរដ្ឋាករកម្ពុជាមិនត្រូវមើលរំលងចំពោះបាតុភាពរបស់គយច្រកអន្តរជាតិប៉ោយប៉ែត ក្រោមការគ្រប់គ្រងរបស់លោក ងួន កុសល នោះទេ។
ជុំវិញការចោទប្រកាន់ លោក ងួន កុសល ប្រធានការិយាល័យគយនិងរដ្ឋាករច្រកទ្វារអន្តរជាតិប៉ោយប៉ែត និងមន្ត្រីរបស់ខ្លួន លោកងួន កុសល មិនបានប្រាប់បណ្ដាញសៀមរាបប៉ុស្តិ៍ ឲ្យបានលម្អិតនោះទេ ដោយលោកបញ្ជាក់ថា សុទ្ធតែមានលិខិតអនុញ្ញាតទាំងអស់។ ដោយឡែកចំពោះសំណួរពាក់ព័ន្ធនឹងការយកលុយ $៥០០ក្នុងមួយរថយន្តដោយមិនចេញ វិក្កយបត្រ
លោក ងួន កុសល ថា គ្មានទេ៕SRP

Read Previous

សុន្ទរកថាសម្តេច ហ៊ុន សែន ថ្លែងនៅក្នុងមហាសន្និបាតនៃក្តីសង្ឃឹមក្រោមប្រធានបទ ៖ «ការកសាង និង បង្កើតជាតិយើង នៅក្នុងពិភពលោកក្រោយវិបត្តិកូវីដ-១៩ ការពឹងពាក់អាស្រ័យ គ្នាទៅវិញទៅមក វិបុលភាពទៅវិញទៅមក និងគុណតម្លៃសកល»

Read Next

នារី​ម្នាក់ជិះ​ម៉ូតូ​ មកលោតទឹកសម្លាប់ខ្លួន ពីលេីស្ពានកោះប៉ែន