ភ្ញៀវជាង១២ម៉ឺននាក់ មកលេងខេត្តសៀមរាប ក្នុងរយៈពេល៣ថ្ងៃ នៃបុណ្យភ្ជុំបិណ្ឌ

ខេត្តសៀមរាប៖របាយការណ៍របស់មន្ទីរទេសចរណ៍ខេត្តបានបង្ហាញថា ក្នុងរយៈពេល៣ថ្ងៃ នៃថ្ងៃបុណ្យភ្ជុំបិណ្ឌ គឺចាប់ពីថ្ងៃទី១៦ ដល់ថ្ងៃទី១៨ ខែកញ្ញា ឆ្នាំ២០២០នេះ មានភ្ញៀវទេសចរជាតិនិងអន្តរជាតិចំនួន ១២២.៣៧០នាក់ ក្នុងនោះភ្ញៀវទេសចរបរទេសចំនួន ១.៣៧០ នាក់ ថយចុះ៨៥,៧៥ភាគរយ បើប្រៀបធៀបនឹងរយៈពេលដូចគ្នា ឆ្នាំ២០១៩ ដែលមានចំនួន ៩.៦១៧ នាក់ និង ភ្ញៀវទេសចរជាតិ ចំនួន ១២១.០០០ នាក់ ដែលបានចូលមកទស្សនាក្នុងខេត្តសៀមរាប នៅតាមតំបន់ប្រាង្គប្រាសាទ រមណីយដ្ឋាន និងសហគមន៍ទេសចរណ៍នានា ដូចជា តំបន់ឧទ្យានជាតិភ្នំគូលែន , សហគមន៍ព្រៃទឹកជប់ខ្នារពោធិ៍ , សហគមន៍កំពង់ភ្លុក , សហគមន៍ត្រាវកុដិ , សហគមន៍បឹងឈូកបន្ទាយស្រី , រមណីយដ្ឋានភូមិវប្បធម៌កម្ពុជា និង សហគមន៍ទេសចរណ៍បាគងភូមិខ្ញុំ ជាដើម៕SRP