ព័ត៌មានទាន់ហេតុការណ៍ :

រដ្ឋមន្ត្រី ចម ប្រសិទ្ធ ស្នើអភិបាលខេត្តកែប ចាត់វិធានការ ជាបន្ទាន់ ចំពោះបុគ្គល ចាក់ដីរំលោភចូលដីស្រែអំបិល

ចលនាយុវជន «ក្រុម១៥៧» សាខា ខេត្តសៀមរាប នាំយកអំណោយ និងថវិកា ប្រគេនព្រះសង្ឃ គង់នៅវត្ត ឥន្ទ:បារមីសិរីរដ្ឋ

អរគុណ សប្បុរសជន បានឧបត្ថម្ភ សម្ភារ ដល់កាកបាទក្រហមខេត្តសៀមរាប

អភិបាលខេត្តកំពង់ចាម​ ជំរុញឲ្យពលរដ្ឋ​ ប្រកបមុខរបរផ្សេងៗ​ ដេីម្បីបង្កើនជីវភាព​

សម្តេច ហេង សំរិន ផ្តល់អំណោយស្បៀងអាហារ និងថវិកា ដល់អាជ្ញាធរភ្នំពេញ

កាកបាទក្រហម​ខេត្តកំពង់ចាម​ ទទួលបានការឧបត្ថម្ភ ជាង១២ម៉ឺនដុល្លារ

មេដឹកនាំឲ្យអគ្គិសនី រដ្ឋាករទឹក ផ្តោតការយកចិត្តទុកដាក់ទៅលើបញ្ហាផ្ទះឈ្នួលរបស់កម្មករ កម្មការនី ជាមុន

សម្ដេចប៊ុន រ៉ានី ហ៊ុនសែន អំពាវនាវដល់សប្បុរសជន បន្ដឧបត្ថម្ភគាំទ្រ កាកបាទក្រហមកម្ពុជា

នាយករដ្ឋមន្ត្រី អបអរសាទរ ទិវាពិភពលោក អឌ្ឍចន្ទក្រហម ៨ឧសភា

លោក ហ៊ុន ប៉ូគា នាំយកអំណោយ និងថវិកាជូននាយកសាលាបឋមសិក្សា ទៀ បាញ់ សែនជ័យគូលេន

ថ្ងៃទី ១០ ខែ ឧសភា ឆ្នាំ ២០២១ ម៉ោង ៣:២៥ ព្រឹក

ជនជាតិព្នង នាំគ្នារំលឹក នូវទំនៀមទម្លាប់ ប្រពៃណី របស់ខ្លួន

ខេត្តស្ទឹងត្រែង៖ជនជាតិដើមភាគតិចព្នង បាននាំគ្នាសែនឡើងក្បាលស្រែដល់អ្នកតាភ្នំ ដើម្បីសុំសេចក្តីសុខ និងបង្ហាញពីប្រពៃណីទំនៀមទម្លាប់របស់ជនជាតិព្នងសម្រាប់កូនចៅជំនន់ក្រោយបានស្គាល់ និងជួយបន្តអភិរក្ស។

ក្នុងពិធីសែនក្បាលស្រែ នៅភូមិ ឃុំក្បាលរមាស ស្រុកសេសានខេត្តស្ទឹងត្រែងកាលថ្ងៃទី២២ខែកញ្ញា លោកច្រូ ញ៉ុង មេកន្រ្ទាញជនជាតិព្នងនៅក្នុងឃុំនេះ បាន ឱ្យដឹងថា ពិធីនេះមានគោលបំណងសុំឱ្យស្រែស្រូវដែលបានដាំដុះទទួលបានផ្លែផ្កាល្អនិងឱ្យលោកតាព្រៃភ្នំ ដែលថែរក្សាទឹក ដី ព្រៃឈើ ក្រំថ្ម អ្នកតាប្រយ៉ុងស្រែ ជួយ ការពារព្រៃឈើឱ្យនៅគង់វង្ស ដំណាំដាំដុះកុំឱ្យកើតជំងឺ និងកុំឱ្យមានសត្វព្រៃឬសត្វល្អិតចង្រៃមកយាយីស៊ីបំផ្លាញ។

លោកស្រី ឃ្លឿប ជា បានឱ្យដឹងថា តាំងពីលោកដឹងក្តីមក បងប្អូនជនជាតិតែងបានគោរពប្រពៃណីរបស់ជនជាតិ ដូចជាជនជាតិ ព្នង ព្រៅ គួយ ទំពួន ចារាយ ស្ទៀង គ្រឹង ការវែតជាដើមបានធ្វើពិធីនេះដូចគ្នា ជាពិសេសការសែន ព្រេន សុំព្រះធរណីឱ្យដាក់គ្រាប់ពូជដាំដុះ ដាក់ចុះដុះឡើង សែនប្រយ៉ុងស្រែសុំឱ្យបានភោគផលច្រើនសែនស្រូវឡើងជង្រុកទុកដាក់ឱ្យគង់វង្ស និងសែនដឹងគុណព្រះម៉ែ ដែលចិញ្ចឹមកូនចៅបានធំធាត់។

លោក តា គ្រុយូ ជនជាតិព្នង នៅភូមិក្បាលរមាសបានលើកឡើងថា៖ ពិធីនេះមិនខុសពីបងប្អូនខ្មែរធ្វើពិធីសែនព្រេននៅវត្តអារាមនោះទេ គ្រាន់តែបងប្អូនជនជាតិ បាននាំគ្នាធ្វើនៅតាមរោងអ្នកតា និងទី កន្លែងធ្លាប់គោរពបូជាផ្សេងៗ ដូចដែលចាស់ទុំជនជាតិ មានទម្លាប់ធ្វើជាយូរយា រមកហើយ។

លោកតាបន្តថា៖ពិធីសែនលើកនេះក៏ដូចសព្វដងដែរ មេកន្ទ្រាញតែងកោះហៅទាំងក្មេងចាស់ប្រុសស្រីមកជួបជុំសែន ព្រេន ប្រមូលគ្នាយកអាហារ នំចំណី មានមាន់ អង្ករ បង្អែម អន្សម ស្រាពាង ជា ដង្វាយ សែនព្រេន សុំឱ្យអ្នកតាប្រយ៉ុងស្រែជួយឱ្យស្រែស្រូវបានផលច្រើនទាំង អស់គ្នា។

សូមបញ្ជាក់ថា នៅស្រុកសេសានមាន អម្បូរជនជាតិព្នងនៅឃុំក្បាលរមាសជនជាតិព្រៅនៅឃុំកំភុន និងជនជាតិគ្រឹងនៅឃុំតាឡាត ដែលកំពុងអភិរក្សនៅប្រពៃណីនេះដូចគ្នា៕SRP

Read Previous

ប៉ូលិសខេត្តសៀមរាបម្នាក់ ត្រូវបានដកតួនាទី ក្រោយរកឃើញមានសាធាតុញៀនក្នងខ្លួន

Read Next

ឃាត់មនុស្សពីរនាក់ ដកហូតថ្នាំញៀនមួយកញ្ចប់