បុរសម្នាក់បើកម៉ូតូដួល បោកក្បាលស្លាប់ភ្លាមៗ នៅស្រុកសូទ្រនិគម

ខេត្តសៀមរាប៖បុរសម្នាក់បើកម៉ូតូបានដួលបណ្ដាលឲ្យបោកក្បាលស្លាប់ភ្លាមៗ។ ហេតុការណ៍បានកើតឡើង៊នៅវេលាម៉ោង២១និង៤៥នាទី ថ្ងៃទី២០ ខែតុលា ឆ្នាំ២០២០ នៅចំណុចមុខការាសសាំង អេង សុភ័ក្រ្ដ ស្ថិតនៅភូមិខ្ចាស់ ឃុំខ្ចាស់ ស្រុកសូទ្រនិគម ខេត្តសៀមរាប លើផ្លូវជាតិលេខ៦ក្នុងទិសពីលិចទៅកើត។
សមត្ថកិច្ចបានឲ្យដឹងថាជនរងគ្រោះឈ្មោះ រ៉ា ភេទប្រុសអាយុ៤៥ឆ្នាំនៅភូមិដំដែកផ្សារ ឃុំដំដែក ស្រុកសូទ្រនិគ ខេត្តសៀមរាប។ បើកម៉ូតូម៉ាកហុងដា ពណ៌ខ្មៅសេរី២០១៣។
ទោះយ៉ាងណាសមត្ថកិច្ចមិនទាន់បញ្ជាក់ចំពោះមូលហេតុនៅឡើយទេ។ សមត្ថកិច្ចបាននាំយកម៉ូតូរក្សាទុកនៅអធិការដ្ឋាននគរបាលស្រុក៕SRP