សៀមរាប ប៉ុស្តិ៍ ខេត្តសៀមរាប៖បុរសពីរនាក់បានស្លាប់ភ្លាមៗ ខណ:កំពុងតែជិះម៉ូតូ ឌុបគ្នាត្រូវបានគោយន្តដឹកដី បុកចំពីមុខពេញទំហឹង។
ហេតុការណ៍បានកើតឡើង នៅល្ងាចថ្ងៃទី ០៥ ខែធ្នូ ឆ្នាំ២០២០ នៅលេីផ្លូវលេខ ២៦៦ ចំណុចភូមិក្របីរៀល ឃុំគោកធ្លកក្រោម ស្រុកជីក្រែង ខេត្តសៀមរាប។
សមត្ថកិច្ចបានឲ្យដឹងថាករណីគ្រោះថ្នាក់ចរាចណ៍នេះ គឺរវាងគោយន្តដឹកដី មានទិសដៅពីត្បូងទៅជេីង ចំណែកអ្នកបេីកម៉ូតូម៉ាកវ៉េវអាល់ហ្វាពណ៌ខ្មៅ គ្មានស្លាកលេខ មាន ទិសដៅពីជេីងទៅត្បូង ផ្ទុយគ្នា បណ្តាលអោយស្លាប់មនុស្ស ចំនួន២នាក់។
ជនរងគ្រោះ
ទី១មានឈ្មោះ ហុង ភី អាយុ ២០ឆ្នាំ អ្នកបេីកបរម៉ូតូ(ស្លាប់) ទី២មានឈ្មោះ មុត ភ័ក្រ អាយុ១៥ឆ្នាំ អ្នករួមដំណេីរ (ស្លាប់)។ ជនរងគ្រោះ ទាំងពីរមានទីលំនៅភូមិខ្លាឃ្មុំ ឃុំគោកធ្លកលេី ស្រុកជីក្រែង ខេត្តសៀមរាប។ដោយឡែកអ្នកបេីកបរគោយន្ត បានរត់គេចខ្លួនបាត់។
ទោះយ៉ាងណាសមត្ថកិច្ច នៅមិនទាន់បញ្ជាក់អំពីមូលហេតុនៅឡើយ។ ដោយ
កំពុងស្រាវជ្រាវ។ វត្ថុតាគោយន្ត និងម៉ូតូយកមករក្សាទុក នៅអធិការ
នគរបាលស្រុកជីក្រែង ដើម្បីរងចាំការដោះស្រាយ៕SRP
