បុរសម្នាក់ ធ្លាក់ពីលើជណ្តើរផ្ទះ បែកក្បាលស្លាប់ភ្លាមៗ ក្រោយពីផឹកស្រាអស់៤កំប៉ុង

ខេត្តសៀមរាប៖បុរសម្នាក់ ធ្លាក់ពីលើជណ្តើរផ្ទះ របស់ខ្លួន មានកម្ពស់៣ម៉ែត្រ បណ្ដាលឲ្យ បែកក្បាលស្លាប់ភ្លាមៗ ក្រោយពីផឹកស្រាអស់៤កំប៉ុង។

ហេតុការណ៍បានកើតឡើងនៅយប់ ថ្ងៃទី ០៥ខែ ធ្នូ ឆ្នាំ ២០២០ វេលាម៉ោង១១និង៥០ ស្ថិតនៅភូមិស្វាយចេក ឃុំស្វាយចេក ស្រុអង្គរធំ ខេត្តសៀមរាប។

អធិការនគរបាលស្រុអង្គរធំ លោក វរសេនីយ៍ឯក ឆាយ ហាក់ឡុង បានឲ្យដឹងថា ជនរងគ្រោះមានឈ្មោះ ខឿន ហៃ ភេទប្រុស អាយុ ៣៧ឆ្នាំ រស់នៅភូមិ ស្វាយចេក ឃុំស្វាយចេក ស្រុអង្គរធំ ខេត្តសៀមរាប។

អធិការនគរបាលស្រុអង្គរធំ បានបន្តថា តាមការលើកឡើងរបស់ ប្រពន្ធជនរងគ្រោះ បាននិយាយប្រាប់សមត្ថកិច្ចថា ប្ដីរបស់គាត់បានផឹកស្រាអស់៤កំប៉ុង ជាមួយប្អូនៗ ក៏ត្រឡប់មកពីផ្ទះប្អូនថ្លៃវិញ ជិះម៉ូតូជាមួយគ្នា ម៉ោងប្រហែល១០ទៅហើយ ដោយប្តីគាត់ឡើងទៅដេកលើផ្ទះ ម្នាក់ឯង។ ចំណែកគាត់ដេកនៅក្រោមផ្ទះជាមួយកូនៗ ដេកលង់លក់ ទាំងអស់គ្នា តែម្តងមិនដឹងគាត់ធ្លាក់ពេលណានោះទេ។ ស្រាប់តែក្មេង នៅជិតផ្ទះដើរឆ្លុះកង្កែបទៅឃើញ ក៏ស្រែកដាស់ខ្លួន កំពុងដេកក្រោកមកទើបដឹងថាប្តីរបស់ខ្លួនធ្លាក់ពីជណ្ដើរស្លាប់តែម្ដង៕SRP