ស្ត្រីម្នាក់ដើរតាមផ្កូវ ត្រូវបានម៉ូតូបុកស្លាប់ នៅស្រុកជីក្រែង

ខេត្តសៀមរាប៖ស្ត្រីម្នាក់ដើរតាមផ្កូវ ត្រូវបានម៉ូតូបុកស្លាប់ ខណៈបញ្ជូនទៅសង្គ្រោះនៅមណ្ឌលសុខភាព។

ហេតុការណ៍បានកើតឡើង នៅវេលាម៉ោង១៩និង១៥នាទីថ្ងៃទី១៧ខែធ្នូ ឆ្នាំ២០២០ នៅលេីផ្លូវលេខ២៦៦ ចំណុចភូមិស្វាយចេក ឃុំពង្រលេី ស្រុកជីក្រែង ខេត្តសៀមរាប។

ជនរងគ្រោះ មាន ឈ្មោះប៊ុត បុិច អាយុ ៦៣ឆ្នាំ មានទីលំនៅ ភូមិស្វាយចេក ឃុំពង្រលេី ស្រុកជីក្រែង ខេត្តសៀមរាប។

សមត្ថកិច្ចបានបន្តថា អ្នកបេីកម៉ូតូ មិនស្គាល់ អត្តសញ្ញាណ មានទិសដៅ ពីត្បូងទៅជើង បានបុក ជនរងគ្រោះ ពីក្រោយ ដែលកំពុងដើរលើផ្លូវបណ្ដាលអោយរងរបួសធ្ងន់ ហើយបានស្លាប់ក្រោយពេលបញ្ជូនដល់មណ្ឌលសុខភាពង្រក្រោម។ ចំណែកអ្នកបេីកម៉ូតូបានបើកគេចខ្លួនបាត់ សមត្ថកិច្ចកំពុងស្រាវជ្រាវ៕SRP