ប៉ូលិសខេត្តបាត់ដំបង បង្ក្រាបល្បែងស៊ីសង ២កន្លែង ឃាត់មនុស្ស៦នាក់

ខេត្តបាត់ដំបង៖កម្លាំងក្រុមអន្តរាគមន៍ បង្ការបង្ក្រាប សហការ ជាមួយការិយាល័យជំនាញ នឹង អធិការដ្ឋាននគរបាល ក្រុងបាត់ដំបង បានចុះ បង្ក្រាបល្បែងស៊ីសង ចំនួន ០២ ទីតាំង ។

លោកវរសេនីយ៍ឯក ឈឿង គឹមសុង ប្រធានការិយាល័យ នគរបាល ព្រហ្មទណ្ឌកម្រិតស្រាលនៃស្នងការខេត្តបាត់ដំបង បានអោយដឹងថា ប្រតិបត្តិការ នេះ ធ្វើឡើងនៅវេលាម៉ោង ១៧និង០០នាទី ថ្ងៃទី ២០ ខែ ធ្នូ ឆ្នាំ ២០២០ នៅចំណុចទីតាំង ទី ១ ស្ថិតក្នុងភូមិអូរចារ សង្កាត់ អូរចារ ក្រុងបាត់ដំបង។ ភ្នាល់កីឡាប្រដាល់។

ទីតាំង ទី ២ នៅ ចំណុច ភូមិ ចំការសំរោង ២ សង្កាត់ ចំការសំរោង ក្រុងបាត់ដំបង លេងល្បែងស៊ីសង ចាក់ភ្នាល់អាប៉ោង។

បើតាមប្រភពបានអះអាងថាករណីនេះ
សមត្ថកិច្ច បានឃាត់ខ្លួន អ្នកពាក់ព័ន្ធប្រព្រឹត្តលេងល្បែងស៊ីសង ចំនួន០៦ នាក់ រួមនឹងវត្ថុតាង មាន៖
១/កម្រាល កៅស៊ូ សម្រាប់ ចាក់ អាប៉ោង ០១
២/គម្រប ផ្តិល សម្រាប់ គ្រប អាប៉ោង ០១
៣/ចាន សម្រាប់បាញ់ អាប៉ោង ០១
៤/គ្រាប់ មេ អាប៉ោង ០១
៥/ចាន ជ័រ ដាក់ ដីខ្សាច់ សម្រាប់ ទ្រ ចាន អាប៉ោង ០១ ។

ជនសង្ស័យ ទាំង០៦នាក់ រួមនឹងវត្ថុតាង ត្រូវបាន សមត្ថកិច្ច បញ្ជូនមកកាន់ការិយាល័យជំនាញដើម្បីធ្វេីការសាកសួរ និងបន្តនីតិវិធីទៅតាមផ្លូវច្បាប់៕SRP ដោយប៊ុនថេត