ប្រពន្ធស្លាប់ ប្ដីរងរបួស ករណីរថយន្ត២គ្រឿង បុកគ្នា នៅស្រុកពួក

ខេត្តសៀមរាប៖ស្ត្រីជាប្រពន្ធបានស្លាប់ភ្លាមៗ ចំណែកប្ដី រងរបួសស្រាល ដោយសារគ្រោះថ្នាក់ចរាចណ៍។

ហេតុការណ៍បានកើតឡើងវេលាម៉ោង១ រំលងអាធ្រាត ថ្ងៃទី៣០ ខែធ្នូ ឆ្នាំ ២០២០ នៅលើផ្លូវជាតិលេខ៦ ចំណុចភូមិទួលរវៀង ឃុំល្វា ស្រុកពួក ខេត្តសៀបរាប ស្របទិសគ្នា ពីលិចទៅកើត រវាងរថយន្តនិងត្រាក់ទ័រដឹកស្រូវ។

សមត្ថកិច្ចស្រុកពួកបានរាយការណ៍ នៅព្រឹកនេះថា ករណីនេះ រថយន្តម៉ាកតូរីសពណ៌លឿង ពាក់ស្លាកលេខភ្នំពេញ ២R៦៧០២(ដឹកផ្លែឈើ)ជិះគ្នា២នាក់ បើកបរដោយឈ្មោះសេង ជាង ភេទប្រុសអាយុ៣៧ឆ្នាំរស់នៅភូមិបុស្សចេក ឃុំត្រពាំងផ្លុង ស្រុកពញាក្រែក ខេត្តត្បូងឃ្មុំ មុខរបរដឹកផ្លែឈើ(របួសស្រាល) បានបុកនិងត្រាក់ទ័រពីក្រោយដែលបំរុងឈប់បណ្តាលអោយស្លាប់ ប្រពន្ធ ឈ្មោះសូ នី ភេទស្រី អាយុ២៨ឆ្នាំរស់នៅភូមិជាមួយគ្នា។ ចំណែកអ្នកបើកត្រាក់ទ័របានបើកបរទៅបាត់។ ក្នុងនោះក៏រងការខូចខាតរថយន្ត០១គ្រឿងធ្ងន់។

ទោះជាយ៉ាងណា សមត្ថកិច្ចស្រុកពួក នៅមិនទាន់ បញ្ជាក់អំពីមូលហេតុនៅឡើយ៕SRP