ឡើងចុងឈើ បាញ់សត្វ រាលកៃ ត្រូវខ្លួនឯង ធ្លាក់ចំថ្ម ស្លាប់ភ្លាមៗ

ខេត្តសៀមរាប៖បុរសម្នាក់ ឡើងដផមឈើ ដើម្បីបាញ់សត្វ តែជាអកុសល កំភ្លើងច្នៃ រាលកៃ ត្រូវចំខ្លួនឯង ហើយធ្លាក់ចំថ្ម បណ្តាលឲ្យស្លាប់។

ហេតុការណ៍បានកើតឡើង វេលាម៉ោង១០និង១៥នាទី ថ្ងៃទី០៥ ខែមករា ឆ្នាំ២០២១ នៅចំណុចលើភ្នំបុស្សត្រា (ហៅភ្នំក្បាលខ្មោច) ចំងាយ១៤គីឡូម៉ែត្រ ពីភូមិជ្រៃ ឃុំខ្វាវ ស្រុកជីក្រែង។

សមត្ថកិច្ចស្រុកជីក្រែងបានឲ្យដឹងថា
ជនរងគ្រោះ មានឈ្មោះ រឿន រ៉ូ អាយុ២៧ឆ្នាំ មានទីលំនៅ ភូមិជ្រៃ ឃុំខ្វាវ ស្រុកជីក្រែង។

បើតាមសមត្ថកិច្ចថា មូលហេតុ
ជនរងគ្រោះ យកកាំភ្លើងឆ្នុក (កែច្នៃ)ឡើងចុងលើឈើ បាញ់សត្វ កម្ពស់ជាង១០ម៉ែត្រ បានរាលកៃដោយខ្លួនឯង ត្រូវចំពោះ ធ្លាក់ពី
លើដើមឈើផ្កាប់មុខប៉ះនិងថ្ម បណ្ដាលឲ្យ បែកក្បាលផ្នែកខាងមុខ ស្លាប់ភ្លាមៗ។

តាមការបំភ្លឺ របស់ក្រុមគ្រួសារសព « ជនរងគ្រោះ ពិតជាបានរាលកៃ អាវុធកៃច្នៃ ត្រូវខ្លួនឯង ហើយធ្លាក់ពីលើដើមឈើពិតប្រាកដមែន»៕SRP