សៀមរាប ប៉ុស្តិ៍ ខេត្តសៀមរាប៖បុរសពីរនាក់បានស្លាប់ភ្លាមៗ ដោយគ្រោះថ្នាក់ចរាចរណ៍បង្កដោយខ្លួនឯង។
ហេតុការណ៍ បានកើតឡើង នៅវេលាម៉ោង១៧និង២០នាទី នាថ្ងៃទី២១០១ ខែមករា ឆ្នាំ២០២១ នេះស្ថិតនៅភូមិព្រៃគុយ ឃុំអំពិល ស្រុកប្រាសាទបាគង។
សមត្ថកិច្ចបានឲ្យដឹងថាជនរងគ្រោះជិះម៉ូតូម៉ាកវ៉េវ សេ១១០ ពណ៌ខ្មៅពាក់ស្លាកលេខសៀមរាប ១L៧០៨១ បើកបរដោយឈ្មោះ កែវ សារឹម អាយុ៣៧ឆ្នាំ។ចំណែកអ្នករួមដំណើរ ឈ្មោះ មៀច ប៊ី អាយុ៥១ឆ្នាំ។ អ្នកទាំងពីរនៅភូមិបុស្សធំ ឃុំអំពិល ស្រុកប្រាសាទបាគង។
បើតាមសមត្ថកិច្ច ជនរងគ្រោះ បើកបើកបរ មានទិសដៅ ពីត្បូងទៅជើង ហើយបានធ្លាក់ខុសផ្លូវបុកនឹងលូ បណ្តាលអោយស្លាប់តែម្ដង៕SRP
