លោកទៀ សីហា៖ ការដ្ឋានសាងសង់ សួនច្បារព្រះរាជដំណាក់ ខេត្តសៀមរាប សម្រេច១០០% ចំពោះដំណាក់កាលទី១

ខេត្តសៀមរាប៖លោកទៀ សីហា អភិបាលខេត្តសៀមរាប បានបញ្ជាក់ថា ការដ្ឋានសាងសង់ សួនច្បារព្រះរាជដំណាក់ ខេត្តសៀមរាប ពេលនេះ សម្រេច ១០០% ចំពោះដំណាក់កាលទី១។
លោកទៀ សីហា បន្តថា៖ នៅបន្ត រៀបសួនខាងមុខព្រះរាជវាំង ទ្វារចំនួន៥ លូរំដោះទឹក ជាការងារបន្ទាប់ទៀត។តាមការបង្ហាញ របស់ក្រុមការងាររបស់វាំង គឺមាន៣ដំណាក់កាល។

ទោះជាយ៉ាងណា បណ្ដាញ សៀមរាបប៉ុស្តិ៍ មិនអាចសុំការបំភ្លឺ បន្ថែមពី លោកជំទាវ គង់ បញ្ញា ប្រធានគម្រោង នៃការសង់សង់នេះបាននៅឡើយទេ។

សូមជម្រាបថា លោក ទៀ សីហា អភិបាលខេត្តនៅព្រឹកថ្ងៃទី២៧ ខែមករា ឆ្នាំ២០២១ នេះ បានអមដំណើរ សម្តេចចៅហ្វាវាំង វរវៀងជ័យធិបតីស្រឹង្គារ គង់ សំអុល ឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំងចុះពិនិត្យការដ្ឋានសាងសង់របងនិងសួនច្បារព្រះរាជដំណាក់ខេត្តសៀមរាប។

ការដ្ឋានសាងសង់នេះ ដើម្បីកែលម្អសោភ័ណភាពទីធ្លា សួនច្បារឱ្យមានភាពទាក់ទាញ ភ្ញៀវទេសចរជាតិ និងអន្តរជាតិ ម្យ៉ាងទៀត ក៏ជាបន្ថែម នូវការរក្សា នូវសន្តិសុខ សណ្តាប់ សាធារណៈ នៅជុំវិញ ព្រះរាជដំណាក់ខេត្តសៀមរាប បន្ថែមទៀតផងដែរ៕SRP