សៀមរាប ប៉ុស្តិ៍ ខេត្តសៀមរាប៖ជនជាតិបរទេសម្នាក់ បានដេកស្លាប់នៅក្នុងបន្ទប់ជួលមួយកន្លែង។
ហេតុការណ៍បានកើតឡើងវេលាម៉ោង១៨និង៣០នាទី ថ្ងៃទី០៤ ខែ កុម្ភៈ ឆ្នាំ២០២១ នៅចំណុចបន្ទប់ជួលលេខ០២ ភូមិ ត្រពាំង សេះ សង្កាត់ គោក ចក ក្រុងសៀមរាប។
មន្ត្រីនគរបាលខេត្តសៀមរាបបានថ្លែងប្រាប់នៅព្រឹកនេះថា ជនរងគ្រោះ ឈ្មោះ OWENS CHISTOPER PAUL ភេទ ប្រុស កើតថ្ងៃទី២១-១២-១៩៧២ ជនជាតិ អង់គ្លេស កាន់លិខិតឆ្លងដែនលេខ ៥៣៦៦៣៨៧២៦ មុខរបរ គ្រូបង្រៀន ស្នាក់នៅ ទីតាំង កេីតហេតុខាងលេី ។
មន្ត្រីបានថ្លែងបន្តថាតាមការស្រាវជ្រាវ របស់សមត្ថកិច្ចជំនាញ និងលោកគ្រូពេទ្យអមតុលាការបានសន្និដ្ឋាន ជនរងគ្រោះស្លាប់ដោយសារជម្ងឺ គាំងបេះដូង។
សាកសពបញ្ជូនទៅតម្កល់ទុកនៅវត្តទឹកថ្លា រាជធានីភ្នំពេញ ដើម្បីរង់ចាំការសម្រេចពីក្រុមគ្រួសារនិងស្ថានទូត៕SRP
