ម៉ូតូ២គ្រឿងបុកគ្នានៅស្រុកបន្ទាយស្រីបណ្ដាលឲ្យស្លាប់ម្នាក់របួស១នាក់

ខេត្តសៀមរាប៖ម៉ូតូចំនួនពីរគ្រឿង បានបុកគ្នាបណ្តាលឲ្យស្លាប់ម្នាក់ នឹងរបួសធ្ងន់ម្នាក់។

ហេតុការណ៍បានកើតឡើង នៅវេលាម៉ោង០៧និង៣៥នាទី ថ្ងៃទី០៨ ខែកុម្ភ: ឆ្នាំ២០២១ ចំណុចភូមិតានី ឃំុរុនតាឯកស្រុកបន្ទាយស្រី ខេត្តសៀមរាប ក្នុងទិសដៅបញ្ច្រាស់ទិសគ្នា។

សមត្ថកិច្ចស្រុកបន្ទាយស្រីបានរាយការណ៍ថា ម៉ូតូទី១ម៉ាកវ៉េវពណ៌ខ្មៅស្លាកលេខសៀមរាប១AB១០៨៧ បើកបរដោយឈ្មោះហៅ ហ៊ាប ភេទប្រុសអាយុ៣៨ឆ្នាំ មានទីលំនៅ ភូមិតានី ឃំុរុនតាឯក ស្រុកបន្ទាយស្រី រងរបួសធ្ងន់ ស្លាប់នៅពេលបញ្ជូន ដល់មន្ទីរពេទ្យ ដោយបានបុកជាមួយម៉ូតូម៉ាកហុងដាឌ្រីមC១២៥ពណ៌ខ្មៅ ឆ្នាំ២០២០ បើកបរដោយឈ្មោះយូ សំអាង ភេទប្រុសអាយុ២៧ឆ្នាំ នៅភូមិវាល សង្កាត់គោកចក ក្រុងសៀមរាបខេត្តសៀមរាប របួសស្រាល។

សមត្ថកិច្ច បានប្រគល់សាកសព ជូនក្រុមគ្រួសារ។ ចំណែកម៉ូតូត្រូវបាននគរបាលនាំយកទៅរក្សាទុក៕SRP