គយខេត្តបន្ទាយមានជ័យ បង្ក្រាបរថយន្តអត់ពន្ធ បានជាច្រើនគ្រឿង

ខេត្តបន្ទាយមានជ័យ៖សាខាគយនិងរដ្ឋាករខេត្តបន្ទាយមានជ័យ រយ:ពេលប៉ុន្មានថ្ងៃកន្លងមកនេះ បានចុះបង្ក្រាបរថយន្តអត់ពន្ធជាច្រើនគ្រឿង ដើម្បីអនុវត្តតាមផ្លូវច្បាប់។

ការបង្រ្កាបនេះ ដោយមានការណែនាំពីក្រសួងសេដ្ឋកិច្ច និងហិរញ្ញវត្ថុ បានដាក់ផែនការពីអគ្គនាយកដ្ឋានគយ និងរដ្ឋាករ ដើម្បីប្រមូលពន្ធជូនរដ្ឋ។

បើតាមមន្ត្រីគយបានបញ្ជាក់ថា រថយន្តដែលត្រូវបានបង្រ្កាប មានរថយន្តចង្កូតឆ្វេង និងរថយន្តបង្កូតស្តាំមជាប្រភេទរថយន្តសេរីទំនើប គ្មានពន្ធនិងឯកសារត្រឹមត្រូវ និងពាក់ស្លាក់លេខ ក្លែងបន្លំ ដែលភាគច្រើន ត្រូវបានបង្ក្រាបពីឈ្មួញដែលរកស៊ីលក់ដូរខុសច្បាប់។

ជាពលរដ្ឋ សាទរយ៉ាងខ្លាំងចំពោះ សាខាគយនិងរដ្ឋាករខេត្តបន្ទាយមានជ័យ ដែលបានចុះបង្ក្រាបរថយន្តគេចពន្ធ តាមការណែនាំរបស់ក្រសួងសេដ្ឋកិច្ច នឹងតាមផែនការអគ្គនាយកដ្ឋានគយ និងរដ្ឋាករ ដើម្បីប្រមូលពន្ធជូនរដ្ឋ៕SRP