ព័ត៌មានទាន់ហេតុការណ៍ :

សម្ដេច ហ៊ុន សែន៖ ប្រសិនបើពុំមានការប្រែប្រួលទេ ខ្ញុំនឹងទទួលចាក់វ៉ាក់សាំង នាព្រឹកថ្ងៃទី៤ មីនា២០២១ នៅមន្ទីរពេទ្យកាល់ម៉ែត្រ

សមត្ថកិច្ច ឃាត់រថយន្តដឹកឈើ ១៣គ្រឿងរបស់ ក្រុមហ៊ុន«លឹមរ៉ូយ៉ាល់» នៅក្រុងសែនមនោរម្យ

គណៈរដ្ឋមន្ត្រីប្រកាសលទ្ធផលនៃសម័យប្រជុំគណៈអចិន្ត្រៃយ៍

ហាយឡែនឌ័រ ស្លាកលេខ ខ.ម បើកបុករថយន្តធុនធំពីក្រោយ នៅស្រុកសូទ្រនិគម បណ្ដាលឲ្យរបួស២នាក់

ឆេះឃ្លាំង ស្តុកកំណាត់ មួយកន្លែង គិតជាទឹកប្រាក់ ជាង២០ម៉ឺនដុល្លារ​

រថយន្តដឹកសាំងក្រុមហ៊ុន PTT បុកឡានបែនដឹកជី នៅជីក្រែង បណ្ដាលឲ្យស្លាប់ម្នាក់ របួសធ្ងន់ស្រាល៣នាក់

ឈ្មួញកំពុងលើកឈើដាក់លើឡាននៅក្នុងខេត្តព្រះវិហារនឹងចេញយប់នេះ

មន្ត្រីខេត្តបាត់ដំបង ចុះបង្ក្រាបទីតាំងគ្រឿងចក្រកាយដីលក់ដោយខុសច្បាប់នៅឃុំអូតាគីក្រោយការផ្សាយព័ត៌មាន

ប៉ូលិសខេត្តព្រះវិហារចាប់ខ្លួនបុរស៣នាក់ករណីជួញដូរគ្រឿងញៀន

កូនមាសម្ដាយ! តូចចិត្តសុំលុយ ធ្វើខួបកំណើត មិនបាន ចងក សម្លាប់ខ្លួន

ថ្ងៃទី ២៨ ខែ កុម្ភៈ ឆ្នាំ ២០២១ ម៉ោង ៧:៣៩ ល្ងាច

លោក ទៀ សីហា៖ ការធ្វើស្រែសង្គម របស់រដ្ឋបាល ស្រុកបន្ទាយស្រី សម្រាប់យកអង្ករ មកចែកជូន ដល់ពលរដ្ឋក្រីក្រ គឺជាគំរូដ៏ល្អមួយ

ខេត្តសៀមរាប៖លោក ទៀ សីហា អភិបាលខេត្តសៀមរាប បានថ្លែងថា ដោយសារតែការរាត្បាត នៃមេរោគកូវីដ-១៩ បានធ្វើឱ្យប្រជាពលរដ្ឋ មានការរងផល ប៉ះពាល់ជាច្រើន ក្នុងនោះប្រជាពលរដ្ឋ ដែលមានជីវភាពក្រីក្រ កាន់តែជួបការលំបាកខ្លាំង។ ហេតុនេះ រដ្ឋបាលស្រុកបន្ទាយស្រី បានសហការ ជាមួយសប្បុរសជន អង្គការដៃគូ និងប្រជាពលរដ្ឋ បានរួមគ្នាធ្វើស្រែសង្គម ដើម្បីយកអង្ករ មកជួយដល់ប្រជាពលរដ្ឋ ក្រីក្រ នៅក្នុងតំបន់នេះ ដែលនេះ គឺជាសកម្មភាពមួយ ជាគំរូមួយដ៏ល្អ និងជួយប្រជាពលរដ្ឋ បានទាន់ពេលវេលានៅពេលដែលពួកគាត់មានតម្រូវការខ្លាំង។

លោកថ្លែងយ៉ាងដូច្នោះនៅក្នុងពិធីចែកអង្ករ ដែលបានមកពីធ្វើស្រែ សង្គម របស់រដ្ឋបាល ស្រុកបន្ទាយស្រី ជូនដល់ ប្រជាពលរដ្ឋ ក្រីក្រទូទាំងស្រុកបន្ទាយស្រី ចំនួន២.៦៦៨គ្រួសារ ជាប្រភេទក្រ១ ក្រ២ និងប្រជាការពារភូមិ នាថ្ងៃទី១៧ខែកុម្ភៈ ព្រឹកមិញនេះ។

អភិបាលស្រុកបន្ទាយស្រី លោក ឃឹម ហ្វីណង់ បានឱ្យដឹងថា អង្ករ ដែលបានធ្វើការចែក ជូនប្រជាពលរដ្ឋក្រីក្រ នៅពេលនេះ គឺបានមកពីការបង្កបង្កើនផល ស្រូវលើផ្ទៃដីសែ្រទំហំ៤០ហិកតា ដែលរដ្ឋបាលស្រុក បានជួលពីបងប្អូន ប្រជាពលរដ្ឋ ក្នុងឃុំព្រះដាក់ ហើយហៅថាស្រែសង្គម ខណៈដែលការជួលដីស្រែ ពីបងប្អូនប្រជាពលរដ្ឋនេះ គឺរដ្ឋបាលស្រុក បានឱ្យថ្លៃឈ្នូលដល់ម្ចាស់ស្រែ ក្នុងមួយគ្រួសារពី ៣ ទៅ៤ការ៉ុងស្រូវ ទៅតាមទំហំដី ដែលបងប្អូន ប្រជាពលរដ្ឋមាន។

បើតាមលោក ឃឹម ហ្វីណង់ ក្រោយពីបង្កបង្កើនស្រូវ ក្នុងរដូវវស្សា រដ្ឋបាលស្រុក បានប្រមូលផលលើផ្ទៃដី៤០ហិកតានេះ បានស្រូវចំនួន៨០តោន រួចយកមកកិនជាអង្ករ បានចំនួន៤៣តោន សម្រាប់ចែកជូនបងប្អូនប្រជាពលរដ្ឋក្រីក្រ ប្រភេទក្រ១ ក្រ២ និងប្រជាការពារ សរុបទាំងអស់ក្នុងទូទាំង ស្រុកបន្ទាយស្រី មានចំនួន២.៦៦៨គ្រួសារ ដោយក្នុងមួយគ្រួសារទទួលបានចំនួន២០គីឡូក្រាម៕SRP

Read Previous

ប៉ូលិសក្រុងសៀមរាប ឃាត់ខ្លួនជាងឡានម្នាក់ ករណីលួចរថយន្ត របស់អ្នកលក់គ្រឿងអគ្គិសនី

Read Next

សម្ដេច ហ៊ុន សែន ជួបពិភាក្សាការងារជាមួយឯកអគ្គរដ្ឋទូតហ្វីលីពីនប្រចាំនៅប្រទេសកម្ពុជា