លោក ឈាវ មុន្និន ធ្វើបុណ្យគម្រប់ខួប១១ឆ្នាំ ជូនអ្នកម្តាយ ដែលបានចែកឋាន នឹងបួងសួងសុំសេចក្តីសុខ ដល់ ក្រុមចលនាយុវជន១៥៧ ទូទាំងប្រទេស

ខេត្តសៀមរាប៖លោក ឈាវ មុន្និន ប្រធានសមាគមចលនាយុវជនកម្ពុជា «ក្រុម១៥៧» សាខាក្រុងសៀមរាប និងក្រុមគ្រួសារ នៅថ្ងៃសុក្រ ០៨កើត ខែផល្គុន ឆ្នាំជូត ទោសក័ ព.ស ២៥៦៤ ត្រូវនិងថ្ងៃទី ១៩ ខែកុម្ភ: ឆ្នាំ ២០២១ នេះ បានធ្វើបុណ្យគម្រប់ខួប១១ឆ្នាំ ជូនអ្នកម្តាយ ដែលបានចែកឋានទៅ ព្រមទាំងធ្វេីពិធីបួងសួងសុំសេចក្តីសុខ សេចក្ដីសប្បាយ ជូនដល់ក្រុមចលនាយុវជន១៥៧ ទូទាំងប្រទេស ជាពិសេសជូនចំពោះ លោកប្រធាន មុឹង ពន្លក អោយរួចផុតពីជំងឺកូវីដ-១៩នេះ។

ពិធីនេះ លោក ឈាវ មុន្និន បានចំណាយថវិកាផ្ទាល់ខ្លួននិងគ្រឿងទេយ្យទាន មួយចំនួន ប្រគេនដល់ព្រះសង្ឃ ចំនួន៦១ អង្គ និង លោកយាយជី ចំនួន១១នាក់ សរុបជាទឹកប្រាក់ប្រមាណ ៥២៥០ដុល្លារ។

ឆ្លៀតក្នុងឱកាសនេះ លោក ឈាវ មុន្និន បានបួងសួង ជូនផលបុណ្យកុសល ដល់បងប្អូនទាំងអស់គ្នា ជួបប្រទះតែពុទ្ធពរទាំង៤ ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡេីយ៕SRP