អាវុធហត្ថស្រុកអង្គរជុំ ឃាត់ខ្លួនបុរស៣នាក់ ករណីគ្រឿងញៀន

ខេត្តសៀមរាប៖បុរសចំនួន៣នាក់ត្រូវបានកម្លាំងអាវុធហត្ថស្រុកអង្គរជុំឃាត់ខ្លួន ពាក់ព័ន្ធគ្រឿងញៀន។ ការឃាត់ខ្លួនធ្វើឡើង នៅថ្ងៃទី២២ ខែកុម្ភៈ ម្សិលមិញ នៅចំណុចភូមិគោកត្របែក ឃុំគោកដូង ស្រុកអង្គរជុំ ខេត្តសៀមរាបដឹកនាំដោយលោកវរសេនីយ៍ត្រី ស្មៀន រិទ្ធ មេបញ្ជាការស្រុក។

ជនសង្ស័យ១ឈ្មោះខុត ពា អាយុ២៤ឆ្នាំ នៅភូមិគោកត្របែក ឃុំគោកដូង ស្រុកអង្គរជុំ។ ២ឈ្មោះយ៉ុន ចាន់ណា អាយុ១៨ឆ្នាំ នៅភូមិគោកដូងថ្មី ឃុំគោកដូង ស្រុកអង្គរជុំ។ ៣ឈ្មោះហ៊ុយ ស៊ីធូ អាយុ១៦ឆ្នាំ នៅភូមិគោកដូងថ្មី ឃុំគោកដូង ស្រុកអង្គរជុំ។ ករណីនេះសមត្ថកិច្ចដកហូតវត្ថុតាងរួមមាន៖ ម្សៅគ្រើមពណ៌សថ្លា១កញ្ចប់តូច ទូរស័ព្ទ២គ្រឿង។ ជនសង្ស័យត្រូវបានអាវុធហត្ថបញ្ជូនទៅកាន់ទីបញ្ជាការកងរាជអាវុធហត្ថខេត្តសៀមរាប ដើម្បីកសាងសំណុំរឿងបន្ត៕SRP