ព័ត៌មានទាន់ហេតុការណ៍ :

បេក្ខជនជាង៤០០នាក់​ ដាក់ពាក្យប្រឡង ចូល​បម្រើ​ការងារ​ នៅ​រដ្ឋបាល​ខេត្តកំពង់ចាម​

ខេត្តត្បូងឃ្មុំ មានបេក្ខជនប្រឡង ចូលក្របខណ្ឌក្រសួងមហាផ្ទៃ ចំនួន១៣៣រូប

ឈប់ឡានទិញខារ៉ាបាវ ម៉ូតូព្រលះពីក្រោយ បែកក្បាល ស្លាប់ភ្លាមៗ

ក្រុមចោរប្លន់៨នាក់ នៅផ្លូវ៦០ម៉ែត្រ ត្រូវបានបង្ក្រាបដោយប៉ូលិសខេត្តសៀមរាប

សម្តេចស ខេង ផ្ដល់អំណោយ ជូនពលរដ្ឋ មានបញ្ហាក្នុងជីវភាព ចំនួន២៩៩គ្រួសារ

គយបានចំណូលជាង១៧លានដុល្លារ ពីរថយន្តអត់ពន្ធ ចង្កូតឆ្វេងនិងស្តាំ ចំនួន១៦៤០គ្រឿង

សមត្ថកិច្ចខេត្តព្រះវិហារ បង្ក្រាបបទល្មើសព្រៃឈើ បានតែតូចៗ

បុរសម្នាក់បើកម៉ូតូ បុករថយន្តសណ្ដោងចតស្ងៀម ពីក្រោយស្លាប់នៅកន្លែង

ព្រះរាជអាជ្ញាខេត្តព្រះវិហារ ឃាត់ខ្លួនបុរសម្នាក់ ពីបទហិង្សាដោយចេតនា

ពលរដ្ឋប្រទះឃើញគ្រាប់យុទ្ធភណ្ឌ មិនទាន់ផ្ទុះមួយគ្រាប់ នៅក្រុងសៀមរាប

ថ្ងៃទី ២៩ ខែ វិច្ឆិកា ឆ្នាំ ២០២១ ម៉ោង ១០:០០ ព្រឹក
រោងម៉ាស៊ីនកិនស្រូវ នួន ឆាង
កែវ តា សំអាងការ

រឿងមន្ទីរពេទ្យខេត្តកំពង់ធំ ទុកអ្នកជំងឺឲ្យស្លាប់ គ្រួសារជនរងគ្រោះ ស្នើសុំសម្ដេច ហ៊ុន សែន ជួយ

GoalPropertyService
រោងម៉ាស៊ីនកិនស្រូវ នួន ឆាង
កែវ តា សំអាងការ

ខេត្តកំពង់ធំ៖ករណីគ្រួពេទ្យនៅក្នុងមន្ទីរពេទ្យបង្អែកខេត្តកំពង់ធំ បានទុកអ្នកជំងឺរហូតដល់ស្លាប់ ក្រុមគ្រួសារជនរងគ្រោះ បានស្នើសុំទៅសម្ដេច ហ៊ុន សែន ជួយអន្តរាគមន៍។

យោងតាមលិខិតរបស់ក្រុមគ្រួសារជនរងគ្រោះ មានចំនួន៤ទំព័រដែលអង្គភាពសៀមរាបប៉ុស្ដិ៍ ទើបទទួលបាននៅព្រឹកថ្ងៃទី០៤ ខែតុលា នេះដោយបានរៀបរាប់ពីហេតុការណ៍នៅក្នុងមន្ទីរពេទ្យបង្អែកខេត្តកំពង់ធំ។

ខាងក្រោមនេះជាពាក្យស្នើសុំទៅសម្ដេចនាយករដ្ឋមន្ត្រីហ៊ុន សែន៖

ខ្ញុំបាទឈ្មោះ កឺ សោភ័ណ ប្រើការងារនៅមន្ទីរអប់រំយុវជននិងកីឡាខេត្តកំពង់ធំ ជាអនុប្រធានការិយាល័យ និងជាក្រុមការងារចុះជួយឃុំអាចារ្យលាក់ ក្រុងស្ទឹងសែន ខេត្តកំពង់ធំ បច្ចុប្បន្នមានទីលំនៅភូមិក្រចាប់ សង្កាត់អាចារ្យលាក់ ក្រុងស្ទឹងសែន ខេត្តកំពង់ធំ។ សូមគោរពជូន សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា

 

កម្មវត្ថុ៖ស្នើសុំមេត្តាជួយពិនិត្យលើរបៀបរបបគ្រប់គ្រង សេវាព្យាបាល និងក្រមសីលធម៌ក្រុមគ្រូពេទ្យខេត្តកំពង់ធំចំពោះផ្នែកអ្នកជំងឺសង្រ្គោះបន្ទាន់។

យោងៈ-ករណីមរណៈភាពលោកឪពុករបស់ខ្ញុំបាទឈ្មោះ ឡាយ ស៊ុយ លួង កាលពីថ្ងៃទី២៦ ខែសីហា ឆ្នាំ២០២១ នៅមន្ទីរពេទ្យខេត្តកំពង់ធំ។

– បណ្តាញព័ត៌មានខេមរា កាលពីថ្ងៃទី២៥ ខែកញ្ញា ឆ្នាំ២០២១

– បណ្តាញព័ត៌មានរិទ្ធីដាវដែក កាលពីថ្ងៃទី២៥ ខែកញ្ញា ឆ្នាំ២០២១

– បណ្តាញព័ត៌មានសៀមរាបប៉ុស្តិ៍ កាលពីថ្ងៃទី២៥ ខែកញ្ញា ឆ្នាំ២០២១

សេចក្តីដូចមានចែងក្នុងកម្មវត្ថុ និងយោងខាងលើ ខ្ញុំបាទមានកិត្តិយសសូមគោរពជម្រាបជូន  សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា មេត្តាជ្រាបដ៏ខ្ពង់ខ្ពស់ថា៖ ខ្ញុំបាទ និងក្រុមគ្រួសារពិតជាមានសេចក្តីរំភើបចិត្តណាស់ និងអរគុណរកអ្វីប្រៀបមិនបានឡើយ ដែលសម្តេចពុកតែងតែយកចិត្តទុកដាក់លើសុខទុក្ខប្រជាពលរដ្ឋទូទាំងប្រទេសកម្ពុជា ដែលបានជួបនឹងការលំបាក រងភាពអយុត្តិធម៌ និងការខកចិត្តលើទង្វើអសីលធម៌ផ្សេងៗនៅក្នុងសង្គម។ នៅក្រោមមាគ៌ានៃការដឹកនាំរបស់សម្តេចពុកគឺប្រទេសជាតិមានសុខសន្តិភាព ស្ថេរភាពនយោបាយ និងនិរន្តភាពក្នុងសង្គម មានការអភិវឌ្ឍលើគ្រប់វិស័យ តែដោយឡែកនៅក្នុងវិស័យសុខាភិបាលខេត្តកំពង់ធំមានក្រុមគ្រូពេទ្យមួយចំនួនតូចនៅផ្នែកអ្នកជំងឺសង្រ្គោះបន្ទាន់ ដែលអនុវត្តការងារផ្ទុយពីការណែនាំរបស់ថ្នាក់ដឹកនាំ និងមិនគោរពក្រមសីលធម៌ក្របខណ្ឌវិជ្ជាជីវៈសមជាគ្រូពេទ្យនោះឡើយ។ យ៉ាងណាមិញ ដូចនៅក្នុងករណីមរណៈភាពលោកឪពុកខ្ញុំបាទផ្ទាល់ ដែលគាត់បានទទួលមរណភាពកាលពីថ្ងៃទី២៦ ខែសីហា ឆ្នាំ២០២១ ដែលមូលហេតុបណ្តាលមកពី ការកង្វះខាតក្នុងការយកចិត្តទុកដាក់ពីក្រុមគ្រូពេទ្យផ្នែកសង្រ្គោះអ្នកជំងឺបន្ទាន់ខេត្តកំពង់ធំ។

ខ្ញុំបាទសូមអនុញ្ញាតបរិយាយអំពីសាវតារលោកឪពុកខ្ញុំបាទ គឺគាត់មានឈ្មោះ ឡាយ ស៊ុយ លួង មានទីលំនៅបច្ចុប្បន្ននៅភូមិព្រៃបន្លិច សង្កាត់អាចារ្យលាក់ ក្រុងស្ទឹងសែន ខេត្តកំពង់ធំ ដែលមានអាយុ៩២ឆ្នាំ សុខភាពទូទៅមានអាការៈល្អធម្មតា។ នៅក្រោមការគិតគូយ៉ាងយកចិត្តទុកដាក់របស់សម្តេចពុកអំពីសុខភាពប្រជាជនកម្ពុជា គឺសម្តេចពុកបានផ្តល់ថ្នាំវាក់សាំងការពារជំងឺកូវីដ១៩ ដើម្បីចាក់ជូនប្រជាជនទូទាំងប្រទេសដោយមិនគិតម្រៃ នៅក្នុងនោះក៏មានរូបខ្ញុំបាទនិងក្រុមគ្រួសារ ព្រមទាំងសាច់ញាតិរបស់ខ្ញុំបាទក៏បានទទួលសេវានេះផងដែរ ហើយជាពិសេសគឺលោកឪពុកឡាយ ស៊ុយ លួង គាត់បានទទួលការចាក់វាក់សាំងឈ្មោះថា “ចនស៊ុនចនស៊ុន(Johnson and Johnson Vaccine)” សម្រាប់ការពារវីរុសកូវីដ១៩កាលពីថ្ងៃទី១៥ ខែសីហា ឆ្នាំ២០២១។

ទន្ទឹមនឹងនេះ ថ្វីបើខ្ញុំបាទ និងក្រុមគ្រួសារ ក៏ដូចជាលោកឪពុកខ្ញុំបាទបានចាក់វាក់សាំងការពារវីរុសកូវីដ១៩នេះរួចរាល់តាមចំនួនដូសក៏ពិតមែន តែពួកយើងនៅតែបន្តអនុវត្តតាមការណែនាំរបស់សម្តេចពុក និងគោលការណ៍ក្រសួងសុខាភិបាល គឺ៣កុំនិង៣ការពារផងដែរ។ បន្ទាប់ពីបានចាក់វាក់សាំងការពារ លោកឪពុក ឡាយ ស៊ុយ លួង មានអាការៈធម្មតា តែនៅថ្ងៃទី២២ ខែសីហា ឆ្នាំ២០២១លោកឪពុកឡាយ ស៊ុយ លួង គាត់មានអាការៈគ្រុនក្តៅ ហើយកូនចៅបានមើលថែនិងឱ្យគាត់ពិសារថ្នាំត្រជាក់ លុះដល់នៅថ្ងៃ២៤ ខែសីហា ឆ្នាំ២០២១គាត់មានសភាពល្អប្រសើរឡើងវិញ ដោយពិសារអាហារបានធម្មតា និងហាត់ប្រាណបានដូចរាល់ដង ស្រាប់លុះដល់ថ្ងៃទី២៦ ខែសីហា ឆ្នាំ២០២១ គាត់មានអាការៈគ្រុនឡើងវិញ ពិសារអាហារមិនបាន ជាមួយគ្នានេះកូនចៅខ្លាចលោកឪពុកឡាយ ស៊ុយ លួង មានអាការៈកូវីដ១៩ ដូចនេះក៏បានអញ្ជើញគ្រូពេទ្យមកពិនិត្យគាត់នៅផ្ទះដែលមានទីតាំងនៅភូមិព្រៃបន្លិច សង្កាត់អាចារ្យលាក់ ក្រុងស្ទឹងសែន ខេត្តកំពង់ធំ ហើយក៏បានធ្វើតេស្តរហ័សទាំងអស់គ្នា ក្នុងនោះលោកឪពុកឡាយ ស៊ុយ លួង បានធ្វើតេស្តរហ័សរហូតដល់ទៅ៣ដងឯនោះ តែពួកយើងទាំងអស់គ្នា ព្រមទាំងលោកឪពុកឡាយ ស៊ុយ លួង គឺមិនមានវីរុសកូវីដ១៩ទេ ដោយលទ្ធផលតេស្តបញ្ជាក់ថាអវិជ្ជមាន។

ដោយលោកគ្រូពេទ្យ ឃើញលោកឪពុកឡាយ ស៊ុយ លួង មានអាការៈចុះខ្យោយ តម្រូវឱ្យយកលោកឪពុកឡាយ ស៊ុយ លួង ទៅទទួលសេវាព្យាបាលនៅមន្ទីរពេទ្យខេត្តកំពង់ធំ ហើយបានណាត់រថយន្តសង្គ្រោះបន្ទាន់របស់មន្ទីរពេទ្យខេត្តកំពង់ធំមកយកលោកឪពុកឡាយ ស៊ុយ លួង នៅពេលរសៀល តែដោយការរងចាំរថយន្តរបស់មន្ទីរពេទ្យខេត្តកំពង់ធំយូរពេក ទើបក្រុមគ្រួសារបានប្រើមធ្យោបាយផ្ទាល់ខ្លួនដើម្បីយកលោកឪពុកឡាយ ស៊ុយ លួង ទៅកាន់មន្ទីរពេទ្យខេត្តកំពង់ធំ។

ករណីរថយន្តរបស់មន្ទីរពេទ្យខេត្តកំពង់ធំនេះមានការយឺតយ៉ាវ ក្រុមគ្រួសារខ្ញុំបាទអាចយល់បាន ព្រោះពួកយើងយល់ថា ដោយសារបរិបទបច្ចុប្បន្ននេះ យើងកំពុងជួបបញ្ហាជំងឺកូវីដ១៩ដែលរថយន្តត្រូវការប្រើប្រាស់ដឹកអ្នកជំងឺច្រើននិងមានភាពមមាញឹកក៏ច្រើន។ តែរឿងដែលខ្ញុំបាទ និងក្រុមគ្រួសារមិនអាចទទួលយកបានគឺសេវាព្យាបាល អាបក្បកិរិយា និងក្រមសីលធម៌ក្រុមគ្រូពេទ្យផ្នែកអ្នកជំងឺសង្រ្គោះបន្ទាន់ខេត្តកំពង់មួយចំនួនដែលធ្វើឱ្យពួកយើងជាក្រុមគ្រួសារមានការខកចិត្តជាខ្លាំង នោះគឺកាលពីវេលាម៉ោងប្រាំល្ងាច ថ្ងៃទី២៦ ខែសីហា ឆ្នាំ២០២១នៅថ្ងៃដ៏ដែលនោះ ពួកយើងជាក្រុមគ្រួសារបានយកលោកឪពុកឡាយ ស៊ុយ លួង ទៅដល់មន្ទីរពេទ្យខេត្តកំពង់ធំដើម្បីសង្រ្គោះបន្ទាន់ត្រៀមដាក់អ៊ុកស៊ីសែន នៅខណៈពេលនោះលោកឪពុកឡាយ ស៊ុយ លួង កំពុងមានអាការៈហត់ខ្លាំងគួឱ្យអាណិតជាពន់ពេក បែរជាគ្រូពេទ្យនៅផ្នែកអ្នកជំងឺសង្រ្គោះ បន្ទាន់មិនព្រមទទួល ហើយថែមទាំងប្រើភាសាអសីលធម៌ដេញពួកយើងខ្ញុំដែលជាក្រុមគ្រួសាររបស់លោកឪពុកឡាយ ស៊ុយ លួង ចេញក្រៅ ដែលទង្វើអសីលធម៌មិនអាចទទួលយកបាន នេះបង្ហាញឱ្យឃើញថាជាការមិនយកចិត្តទុកដាក់លើអ្នកជំងឺដែលកំពុងត្រូវការជំនួយពីគ្រូពេទ្យក្នុងដំណាក់កាលសង្រ្គោះជីវិត។

ខ្ញុំបាទ និងក្រុមគ្រួសារពិតជាមានការខកចិត្តយ៉ាងខ្លាំងចំពោះមន្ទីរខេត្តកំពង់ធំផ្នែកសង្រ្គោះបន្ទាន់នេះណាស់ ដោយសារតែពួកយើងជាក្រុមគ្រួសារទុកចិត្តនិងជឿជាក់លើពេទ្យ ទើបពួកយើងយកលោកឪពុកឡាយ ស៊ុយ លួងទៅមន្ទីរពេទ្យ ដើម្បីឱ្យគាត់ទទួលបានការជួយសង្រ្គោះនិងព្យាបាលពីគ្រូពេទ្យ និងសេវាកម្មពេទ្យ តែបែរជាទុកចោលឱ្យគាត់ស្លាប់យ៉ាងអណោចអាធម្ម ដែលពួកយើងជាក្រុមគ្រួសារមានការសោកសៅអាណិត លោកឪពុក ឡាយ ស៊ុយ លួង ទាំងអលោះអាល័យបំផុត ដែលពួកយើងជាក្រុមគ្រួសារបានត្រឹមតែមើលដង្ហើមចុងក្រោយរបស់គាត់យ៉ាងវេទនារកអ្វីថ្លែងមិនបាន។

ខ្ញុំបាទ និងក្រុមគ្រួសារពុំដឹងអំពីនីតិវិធីនៃការងាររបស់ក្រុមគ្រូពេទ្យខេត្តកំពង់ធំផ្នែកអ្នកជំងឺសង្រ្គោះបន្ទាន់យ៉ាងណានោះទេ តែអ្វីដែលខ្ញុំក៏ដូចជាប្រជាជនទូទៅបានដឹង គឺថាក្នុងនាមជាគ្រូពេទ្យត្រូវតែធ្វើការសង្រ្គោះមនុស្សទោះក្នុងកាលៈទេសៈណាក៏ដោយ ហើយត្រូវគោរពវិជ្ជាជីវៈក្រមសីលធម៌ជាគ្រូពេទ្យ មិនមែនធ្វើទង្វើអសីលធម៌ដូចដែលខ្ញុំបាទនិងក្រុមគ្រួសារបានជួបផ្ទាល់នោះទេ។

ជាមួយគ្នានេះដែរ កន្លងមកក៏មានការលើកឡើងពីសំណាក់ពលរដ្នក្រុមគ្រួសារអ្នកជំងឺផ្សេងៗមកថា ក្រុមគ្រូពេទ្យមួយចំនួនក្នុងខេត្តកំពង់ធំ ហាក់ដូចជាមិនសូវយកចិត្តទុកក្នុងការជួយសង្រ្គោះអ្នកជំងឺនោះទេ បើនិយាយពីក្រមសីលធម៌ និងការប្រើពាក្យសម្ដីវិញគឺអសុរោះសោះអង្គើយត្រកុះបោះបោកដាក់អ្នកជំងឺ មិនសាកសម្សជាគ្រូពេទ្យសោះឡើយ បើទោះបីអ្នកជំងឺអង្វរសុំឱ្យដាក់អុកស៊ីសែនឱ្យខណៈពេលដែលអ្នកជំងឺហត់ខ្លាំងក៏ដោយ ក៏គ្រូពេទ្យមិនដាក់ឱ្យឡើយរហូតដល់អ្នកជំងឺដាច់ខ្យល់ស្លាប់ ដែលមានការស្រដៀងគ្នាទៅនឹងករណីមរណៈភាពលោកឪពុករបស់ខ្ញុំបាទ ឡាយ ស៊ុយ លួង ផងដែរ។

ក្នុងករណីនេះដែរបើយោងតាមបណ្ដាញព័ត៌មានសៀមរាបប៉ុស្តិ៍ និងបណ្តាញព័ត៌មានផ្សេងៗទៀតកាលពីថ្ងៃទី២៥ ខែកញ្ញា ឆ្នាំ២០២១ បានបញ្ជាក់ថាគឺមានការទទួលស្គាល់ពីលោក ស្រី ស៊ីន ប្រធានមន្ទីរសុខាភិបាលខេត្តកំពង់ធំ បានឲ្យដឹងថា«លោកទទួលស្គាល់ថាពិតជាមានចំណុចខ្វះខាតមែន ដោយសារគ្រូពេទ្យមានចំនួនតិច ជាប់ធ្វើចត្តាឡីស័ក  ហើយគ្រូពេទ្យទាំងនោះហត់ខ្លាំង ទើបប្រើប្រាស់សម្ដីអសីលធម៌ខ្លះលើអ្នកជំងឺ។ លោកថា ពាក់ព័ន្ធសុជីវធម៌ លោកធ្លាប់បាន ណែនាំអប់រំ និងកែប្រែ ញឹកញាប់ណាស់ តែបើដឹងគ្រូពេទ្យណាមួយច្បាស់លាស់យើងងាយស្រួលធ្វើការអប់រំគាត់អោយកែប្រែនៅពេលក្រោយទៀត។ ដោយឡែកលោក ប៉ឹក គឹមសាន អនុប្រធានមន្ទីរពេទ្យខេត្តកំពង់ធំ បានថ្លែងប្រាប់អ្នកសារព័ត៌មានថា លោកទទួលស្គាល់ថា “ពិតជាមានចំណុចខ្វះខាតមួយចំនួនមែន ដោយសារតែបច្ចុប្បន្នជាសម័យជំងឺកូវីដ ធ្វើអោយគ្រូពេទ្យរវល់ច្រើន ពុំសូវមានពេលទទួលឱ្យបានដិតដល់ ហើយគ្រូពេទ្យមួយចំនួនជាប់ធ្វើចត្ដាឡីស័ក ទើបធ្វើអោយខ្វះខាតកម្លាំង។ លោកថារឿងក្រមសីលធម៌វិញ គឺធ្លាប់បានពន្យល់និងអប់រំ ណែនាំ កែប្រែ និងផ្សព្វផ្សាយច្រើនដងហើយ។”

ជាមួយគ្នានេះដែរ កន្លងមកប្រជាពលរដ្ឋនៅក្នុងខេត្តកំពង់ធំ ក៏ធ្លាប់បានធ្វើការស្នើសុំអំពាវនាវអំពីករណីការមិនយកចិត្តទុកដាក់ព្យាបាលអ្នកជំងឺ និងការប្រើភាសាអសីលធម៌ពីក្រុមគ្រូពេទ្យផ្នែកអ្នកជំងឺសង្រ្គោះបន្ទាន់ទៅថ្នាក់ដឹកនាំខេត្តកំពង់ផងដែរ តែរហូតដល់បច្ចុប្បន្ន និងបញ្ហាដែលខ្ញុំបាទនិងក្រុមគ្រួសារបានជួបផ្ទាល់នេះ គឺឃើញថា ពុំទាន់មានចំណាត់ការណាមួយឱ្យមានប្រសិទ្ធភាពក្នុងការកែប្រែក្រុមគ្រូពេទ្យមួយចំនួននៅក្នុងផ្នែកអ្នកជំងឺសង្រ្គោះបន្ទាន់នៅឡើយទេ។ យ៉ាងណាមិញអ្វីដែលខ្ញុំបាទ ក៏ដូចជាមតិមហាជនលើកឡើងនេះ គឺមិនមែនមានចេតនាណាមួយរិះគន់ជាន់ពន្លិចឡើយ គឺក្នុងគោលបំណងចង់ឱ្យមានការកែប្រែ និងស្ថាបនាមន្ទីរពេទ្យខេត្តកំពង់ធំឱ្យមានកេរ្តិ៍ឈ្មោះ មានទំនុកចិត្តពីសំណាក់ប្រជាជនទូទាំងខេត្តកំពង់ធំ និងចង់ឱ្យស្ថាប័ននេះមានភាពល្អប្រសើរ ស្របតាមគោលនយោបាយរាជរដ្ឋាភិបាល និងក្រមសីលធម៌ និងវិជ្ជាជីវៈជាគ្រូពេទ្យ ដើម្បីជាគំរូល្អៗដូចស្ថាប័នសុខាភិបាលផ្សេងៗដែលតែងគោរពវិជ្ជាជីវៈនិងក្រមសីលធម៌ជាគ្រូពេទ្យ និងអនុវត្តការងារស្របតាមគោលនយោបាយរាជរដ្ឋាភិបាល និងថ្នាក់ដឹកនាំ។

សេចក្តីដូចបានគោរពជម្រាបជូនខាងលើសូម សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី មេត្តាពិនិត្យនិងដោះស្រាយដោយក្តីអនុគ្រោះដ៏ខ្ពង់ខ្ពស់។

សូម សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា មេត្តាទទួលនូវគារវភក្តី និង ការគោរពដ៏ខ្ពង់ខ្ពស់បំផុតអំពីខ្ញុំបាទ។

ករណីនេះគេនៅពុំទាន់ឃើញមន្ទីរពេទ្យបង្អែកខេត្តកំពង់ធំចេញលិខិតបំភ្លឺជុំវិញការចោទប្រកាន់ពីសំណាក់ប្រជាពលរដ្ឋនៅឡើយទេ៕SRP05 2 scaled 1 លោករដ្ឋមន្ត្រី ក្រសួងសុខាភិបាល ម៉ម ប៊ុនហេង

Read Previous

បទល្មើសព្រៃឈើនៅឃុំខ្វាវ ខេត្តសៀមរាប កើតមានយ៉ាងអនាធិបតេយ្យ

Read Next

សម្ដេច ស ខេង ថាគណៈអភិបាលខ្លះ មិនគោរពក្រុមប្រឹក្សានោះទេ