ព័ត៌មានទាន់ហេតុការណ៍ :

សមត្ថកិច្ចខេត្តសៀមរាប បង្ក្រាបបទល្មើព្រៃឈើ ធ្លាយរឿងមួយចំនួន

ផ្លូវនៅស្រុកអង្គរធំ១ខ្សែ ខូចយ៉ាងធ្ងន់ធ្ងរ មន្ត្រីថាមកពីឡានដឹកលើសទម្ងន់​ ហួសកម្រិត

ចាប់ខ្លួនខ្មែរនិងវៀតណាម២នាក់ រឹបអូសគ្រឿងញៀនជិត២០គីឡូក្រាម

រថយន្តហាយលិនឌ័រ បុកអ្នកជិ:ម៉ូតូ ស្លាប់ភ្លាមៗ

នាយករដ្ឋមន្ត្រីហ៊ុន សែន ប្រកាសឲ្យចរាចរ និងប្រើប្រាស់ ក្រដាសប្រាក់ប្រភេទ «៣ម៉ឺនរៀល» គំរូថ្មី

បុរសញៀនស្រាម្នាក់ ខ្យល់គ ស្លាប់នៅវាលស្រែ

លោកកែវ នារិទ្ធិ អំពាវនាវដល់យុវវ័យ សូមជ្រើសរើស យកផលិតផលណា ដែលមានគុណភាព  និងស្របច្បាប់

សោកស្ដាយ! ឆេះផ្ទះ១ខ្នង នៅស្រុកក្រឡាញ់ បំផ្លាញទ្រព្យសម្បត្តិ ជាច្រើនគ្មានសល់

លោកឃីម ផល្លា រងក្រុងសៀមរាប ត្រូវបានតែងតាំងជាអធិការស្រុកសូទ្រនិគម

ស្ត្រីមេម៉ាយកូនច្រើន នៅខេត្តកំពង់ចាម​ រងគ្រោះដោយអគ្គីភ័យ ទទួលបានផ្ទះថ្មី១ខ្នង​

ថ្ងៃទី ១៩ ខែ តុលា ឆ្នាំ ២០២១ ម៉ោង ៩:០៧ ព្រឹក

អភិបាលខេត្តកំពង់ចាម​ បញ្ជាឲ្យមន្ត្រីពាក់ព័ន្ធ​ ប្រឹងប្រែងទប់ស្កាត់ បទល្មើសនេសាទ​

GoalPropertyService

ខេត្តកំពង់ចាម​៖ក្នុង​កិច្ចប្រជុំសាមញ្ញលើកទី២៩​ អាណត្តិទី៣ របស់ក្រុមប្រឹក្សាខេត្តកំពង់ចាម​ នៅថ្ងៃទី១២ ខែតុលា ឆ្នាំ២០២១​នេះ​ លោក​ អ៊ុន​ ចាន់ដា​ អភិបាលខេត្តកំពង់ចាម​ បានបញ្ជាដល់​មន្ទីរ​កសិកម្ម​រុក្ខាប្រមាញ់​និងនេសាទខេត្ត​ ដាក់​ផែនការ​ឲ្យ​ខណ្ឌរដ្ឋបាលជលផល​ ត្រូវរៀបចំ​កម្លាំង​ជំនាញ​ចុះ​ល្បាត​ត្រួតពិនិត្យ​ជាប្រចាំ​​នៅ​តាម​ដង​ទន្លេ​មេគង្គ​ ក៏ដូចជា​តំបន់​អតីត​ឡូ​នេសាទនានា​ ក្នុង​ដែន​សមត្ថកិច្ច​របស់​ខ្លួន​ ដេីម្បី​ទប់ស្កាត់​បង្រាប​នូវ​ឧបករណ៍​នេសាទ​ខុសច្បាប់​ ដែល​ប្រព្រឹត្ត​ឡើង​ដោយ​ជន​ឆ្លៀតឱកាស​មួយចំនួន​​ ក្នុងរដូវទឹកឡេីងនេះ​ ដោយ​ក្នុង​អំឡុង​ខែតុលា​ ឆ្នាំ​២០២០​ កន្លងទៅនេះ​ ក៏មានទូកអូសយ៉ាំងកាវ បើកបុក​ទូក​ប្រជាពលរដ្ឋ​ នៅកណ្ដាលទន្លេ រវាងឃុំរំចេក និងឃុំកោះសំរោង ស្រុកកំពង់សៀម​ បណ្ដាលឲ្យស្លាប់​​មនុស្ស​ ៣នាក់ និងរងរបួស​ម្នាក់​ផងដែរ​។

លោកអ៊ុន​ ចាន់ដា​ ក៏បាន​ជំរុញ​ដល់មន្ទីរសាធារណការ​និងដឹក​ជញ្ជូនខេត្ត​ ក៏ដូចជា​មន្ត្រី​ពាក់ព័ន្ធ​ ឲ្យ​រៀបចំ​គម្រោង​ជួសជុល​ផ្លូវ​ក្រាល​កៅស៊ូ​មួយ​ចំនួន​ ដែល​រងការខូចខាត​ដោយសារ​បញ្ហា​ដក់​ទឹក​ ក្នុងនោះ​ក៏​មាន​ផ្លូវ​នៅ​តំបន់​ថ្មគោល​ ភូមិ​ចុង​ថ្នល់​ និង​ភូមិ​ឡឥដ្ឋ​ សង្កាត់​បឹងកុក​ ក្រុង​កំពង់ចាម​ ដែល​ត្រូវ​អនុវត្ត​នៅ​រដូវ​ស្ងួត​ទឹក​ភ្លៀង​ខាងមុខនេះ​។

​ក្នុង​កិច្ចប្រជុំនេះដែរ​ លោក​ ខ្លូត​ ផន​ ប្រធាន​ក្រុមប្រឹក្សា​ខេត្តកំពង់ចាម​ បាន​លើក​យក​សេចក្តី​ព្រាង​របៀបវារៈ​សំខាន់​ៗ​ មក​ពិភាក្សា​ រួមមាន​ ១-ការពិនិត្យ និងអនុម័តសេចក្តីព្រាងកំណត់ហេតុនៃកិច្ចប្រជុំសាមញ្ញលើកទី២៨ អាណត្តិទី៣ របស់ក្រុមប្រឹក្សាខេត្ត។
២-ការ​ពិនិត្យ ពិភាក្សា និងអនុម័តសេចក្តីព្រាងរបាយការណ៍បូកសរុបលទ្ធផលការងារ ប្រចាំត្រី មាសទី៣ (កក្កដា សីហា កញ្ញា) និងទិសដៅការងារប្រចាំត្រីមាសទី៤ ឆ្នាំ២០២១ របស់ រដ្ឋបាលខេត្តកំពង់ចាម។
៣-ការពិនិត្យ ពិភាក្សា និងអនុម័តសេចក្តីព្រាងផែនការសកម្មភាពការងារត្រីមាសទី៤( តុលា វិច្ឆិកា​ ធ្នូ​ )​ ឆ្នាំ២០២១ របស់រដ្ឋបាលខេត្តកំពង់ចាម។
៤-ការ​ពិនិត្យ ពិភាក្សា និងអនុម័តសេចក្តីព្រាងសេចក្តីសម្រេចស្តីពីការបង្កើតគណៈកម្មការ រៀបចំគម្រោងខេត្ត​ ឆ្នាំ២០២២​៕SRP

Read Previous

ដកតំណែងលោក លឹម ប៊ុនហេង ចេញពីប្រធានសុរិយោដីស្រុកស្ទោង ក្រោយលេចធ្លាយប្រព្រឹត្តអំពើពុករលួយ

Read Next

ករណីកាក់រ៉ឺម៉ក៖ មេព្រៃចោទពលរដ្ឋពលរដ្ឋថា ទៅលួចក្រៀវ​ ដេីមកាស្យានៅភ្នំគូលេន