ខេត្តសៀមរាប៖សមត្ថកិច្ចស្រុកពួកបានឲ្យដឹងថា មានចោរចំនួន២នាក់ បានចូលលួចយកម៉ូតូរបស់ពលរដ្ឋ មួយគ្រឿង បានដោយសុវត្ថិភាព។
ហេតុការណ៍ភ្ញាក់ផ្អើលបានកើតឡើងនៅវេលាម៉ោង០៩និង៣០នាទីថ្ងៃទី១៨ខែ វិច្ឆិកា ឆ្នាំ២០២០ នៅចំណុចមុខផ្ទះជនរងគ្រោះ ភូមិពួកថ្មី ឃុំពួក ខេត្តសៀមរាប។
សមត្ថកិច្ចបានបន្តថា ករណីអំពើលួចម៉ូតូនេះ បង្កឡើងដោយជនសង្ស័យ មានគ្នាពីរនាក់ ពុំស្គាល់អត្តសញ្ញាណ ជិះម៉ូតូមួយគ្រឿង ម៉ាកហុងដាទ្រីមពណ៌ខ្មៅ ដោយបានបានលួចម៉ូតូមួយគ្រឿង ម៉ាកហុងដាទ្រី ពណ៌ខ្មៅ សេរី២០២០ ស្លាកលេខ សៀមរាប១AL ៩១៦៩ របស់ជនរងគ្រោះឈ្មោះ ធន់ សេងលឹម ភេទប្រុសអាយុ៣៤ឆ្នាំ មុខរបរ ជាងជួសជុលម៉ូតូ ទីលំនៅភូមិ ឃុំ កើតហេតុខាងលើ។
សមត្ថកិច្ចបានបញ្ជាក់ថាមូលហេតុ ជនរងគ្រោះ ទុកម៉ូតូមុខផ្ទះដោយពុំបានដកសោរ ហើយជនរងគ្រោះ នៅក្នុងផ្ទះ។
សមត្ថកិច្ចបញ្ជាក់ថា តាមរូបភាពកាមេរ៉ាសុវត្ថិភាព ជនសង្ស័យ ម្នាក់រាងស្គម ម្នាក់ទៀតរាងធាត់ អាយុខ្ទង់៤០ទៅ៥០ឆ្នាំ។ ក្រោយធ្វើសកម្មភារួច ជនសង្ស័យបានជិះទៅកើត ចូលក្រុងសៀមរាប។ សូមរំលឹកថាកាលពីកន្លងទៅថ្មីៗនេះ នៅស្រុកពួកក៏មានអំពើលួចលុយ ពីកន្លែងផ្ទេរប្រាក់វីង បានសម្រេចផងដែរ ហើយរហូតមកដល់ពេលនេះ សមត្ថកិច្ចនៅមិនទាន់ចាប់បានក្រុមចោរទាំងនោះបាននៅឡើយទេ៕SRP